Спаса-Праабражэнская царква (Бальшавік)

Спаса–Праабражэнская царква — мураваны праваслаўны храм у аграгарадку Бальшавік Мінскага раёна Мінскай вобласці. Знаходзіцца на вул.Фабрычная, 8^[1].

Славутасць
Спаса–Праабражэнская царква
54°00′13″ пн. ш. 27°34′07″ у. д.HGЯO
Краіна	Беларусь
Аграгарадок	Бальшавік
Канфесія	БПЦ
Епархія	Мінская епархія
Першае згадванне	1997
Будаўніцтва	1997—2003 гады

У паняцця ёсць і іншыя значэнні, гл. Спаса-Праабражэнская царква.

Гісторыя

Праваслаўная грамада прыходу была зарэгістравана ў 1997 годзе. Царква была перабудавана з недабудаванай спартыўнай залы ў 1997-2003 гады.

Архітэктура

Перабудавана з недабудаванай спартыўнай залы, таму архітэктура будынка не набыла кананічна-царкоўнай аб'ёмна-прасторавай кампазіцыі і мастацка-стылёвай характарыстыкі. Сакральную прыналежнасць прамавугольнага ў плане будынка пад вальмавым дахам адзначае 8- гранны шатровы барабан з макаўкай над франтальным фасадам і макаўкай над асіметрычна прыбудаваным нізкім прытворам. Сярод святынь царквы абразы с рэшткамі мошчаў свяціцеля Лукі і святога праведнага Іаана Кармянскага, абразы з майстэрні Жыровіцкага Успенскага манастыра^[2].

Зноскі

1. ХРАМ ПРЕОБРАЖЕНИЯ ГОСПОДНЯ В ДЕРЕВНЕ БОЛЬШЕВИК (нявызн.)(недаступная спасылка). Архівавана з першакрыніцы 3 лістапада 2019. Праверана 3 лістапада 2019.
2. царква Праабражэнская царква(недаступная спасылка)