Спаса-Праабражэнская царква (Новая Папіна)

Спаса-Праабражэнская царква — праваслаўны храм у в. Новая Папіна Драгічынскага раёна Брэсцкай вобласці.

Праваслаўны храм
Спаса-Праабражэнская царква
52°07′38″ пн. ш. 25°07′30″ у. д.HGЯO
Краіна	Беларусь
Аграгарадок	Новая Папіна
Канфесія	БПЦ
Епархія	Брэсцкая і Кобрынская епархія
Дата пабудовы	1810 год
Статус	Гісторыка-культурная каштоўнасць Беларусі, шыфр 113Г000209шыфр 113Г000209
Медыяфайлы на Вікісховішчы

У паняцця ёсць і іншыя значэнні, гл. Спаса-Праабражэнская царква.

Гісторыя

У цэнтры вёскі. Храм пабудаваны ў 1810 г. з дрэва на месцы царквы 1723 г.^[1]

Архітэктура

Царква з боку апсіды

Помнік народнага дойлідства. Вырашана працяглым прамавугольным у плане зрубам, накрытым вальмавым дахам, завершаным па цэнтры цыбулепадобнай галоўкай. З усходу далучана пяцігранная апсіда з бакавой рызніцай, з захаду — прамавугольны прытвор, над якім у другой палавіне XX стагоддзя ўзведзена двух’ярусная чатырохгранная шатровая званіца з макаўкай. Гарызантальна ашаляваныя бакавыя фасады расчлянёны лучковымі аконнымі праёмамі і брусамі-сцяжкамі ў прасценках, апяразаны цокальным поясам з вертыкальнай шалёўкай.

Інтэр’ер

Зала перакрыта плоскай столлю па бэльках, апсіда вылучана драўляным іканастасам, выкананым у 1830-я гады.

Зноскі

1. Архіў Мінскай епархіі. ПАП (справа царквы в. Папіна); НГАБ у г. Гродна, ф. 1, воп. 19, спр. 1004, арк. 9 — 29.