Спаса-Праабражэнская царква (Хаціслаў)

У паняцця ёсць і іншыя значэнні, гл. Спаса-Праабражэнская царква.

Спаса-Праабражэнская царква — праваслаўны храм у в. Хаціслаў (Маларыцкі раён). Помнік драўлянага дойлідства з рысамі стылю барока.

Праваслаўны храм
Спаса-Праабражэнская царква
51°42′29″ пн. ш. 24°05′45″ у. д.HGЯO
Краіна	Беларусь
Вёска	Хаціслаў
Канфесія	Беларуская праваслаўная царква
Епархія	Брэсцкая і Кобрынская епархія
Архітэктурны стыль	беларускае народнае дойлідства, барока
Дата пабудовы	1799 год
Статус	Гісторыка-культурная каштоўнасць Беларусі, шыфр 112Г000525шыфр 112Г000525
Медыяфайлы на Вікісховішчы

Пабудавана ў 1799 г. У 1867 г. да царквы прыбудаваная званіца. У 1989 г. царква аддадзеная вернікам (з 1990 г. на рэстаўрацыі).

Архітэктура

Царква з боку апсіды

Арханёл Міхаіл. XVIII ст. Музей старажытнабеларускай культуры.

«Дэісус», канец XVII стагоддзя. НММ РБ.

Калона. XVIII ст. НММ РБ.

Асноўны зруб прамавугольны ў плане са зрэзанымі ў заходняй частцы вугламі і вузкі трохгранны бабінец накрыты агульным двухсхільным дахам з гранёным барочным купалам у цэнтры. Такія ж купалкі ў цэнтры больш нізкага шматсхільнага даху над пяціграннай апсідай і над дзвюма трох’яруснымі вежамі, якія фланкіруюць галоўны фасад. Трох’ярусны галоўны фасад мае прасторавую структуру, па вертыкалі падзелены на тры часткі, размешчаныя пад вуглом адна да адной. Сярэдняя частка завяршаецца трохвугольным франтонам, пакатыя бакавыя нагадваюць валюты мураваных храмаў позняга барока і ракако.

Інтэр’ер

У інтэр’еры дамінуе цэнтральнае памяшканне, перакрытае зрубным люстраным скляпеннем. Бабінец з хорамі пад ім і алтарны зруб маюць плоскасную бэлечную столь. Апсіда вылучана шмат’ярусным разным іканасіасам, створаным у 1830-я гг.

Званіца

Пабач з царквой размешчана трох’ярусная званіца (васьмярык на двух чацверыках), завершаная шатровым дахам з дэкаратыўнымі какошнікамі.

Зноскі