Спаса-Праабражэнская царква (Язвінкі)

Спаса-Праабражэнская царква — драўляны праваслаўны храм у в. Язвінкі Лунінецкага раёна Брэсцкай вобласці. Знаходзіцца на вул. Леніна^[1].

Славутасць
Спаса-Праабражэнская царква
52°14′47″ пн. ш. 26°55′13″ у. д.HGЯO
Краіна	Беларусь
Вёска	Язвінкі
Канфесія	БПЦ
Епархія	Пінская і Лунінецкая епархія
Дата пабудовы	1910 год
Статус	Гісторыка-культурная каштоўнасць Беларусі, шыфр 113Г000471шыфр 113Г000471
Медыяфайлы на Вікісховішчы

У паняцця ёсць і іншыя значэнні, гл. Спаса-Праабражэнская царква.

Гісторыя

Драўляная першая вядомая царква была пабудавана ў 1759 годзе. Згодна прыходскага летапісу, яна была «досыць моцнай». Прамавугольны будынак меў два купалы, адзін рад вокнаў без кратаў і гонтавы дах. У 1873 годзе ў інтэр’еры ўладкавалі новы разьбяны іканастас з калонамі.

Першую царкву ў Язвінках разабралі ў 1909 годзе з-за яе старасці. У 1910 годзе была пабудавана новая драўляная царква. 12 верасня 1910 года былі асвячоны крыжы, а 27 снежня асвячоны сам будынак храма.

У савецкі час храм быў адкрыты.

Царква некалькі разоў рэстаўравалася. У 1999 годзе ў царкве ўсталявалі кацёл для абагравання, у 2004 годзе быў узведзены будынак нядзельнай школы (да гэтага заняткі праходзілі ў хаце святара), у 2007 годзе да царквы падвялі паравое ацяпленне.

Архітэктура

Царква з’яўляецца помнікам народнага дойлідства^[2]. Праект распрацоўваў мінскі архітэктар Віктар Струеў. Іканастас для храма набылі ў Кіева-Пячэрскай Лаўры і абыйшоўся ў 700 царскіх рублёў^[3].

Зноскі

1. 14. Приход храма Преображения Господня д. Язвинки Лунинецкого района Архівавана 27 снежня 2017.
2. Праабражэнская царква ў в. Язвінка
3. Спаса-Праабражэнская царква ў вёсцы Язвінкі Архівавана 8 снежня 2019.