Спаса-Узнясенская царква (Яршэвічы)

Спаса-Узнясенская царква — праваслаўны храм у в. Яршэвічы Валожынскага раёна. Размешчана на ўсходняй ускраіне вёскі. Пабудавана ў другой палове XIX ст. з бутавага каменю.

Царква ў 1940-я гг.

Славутасць
Спаса-Узнясенская царква
54°02′23″ пн. ш. 26°54′10″ у. д.HGЯO
Краіна	Беларусь
Месцазнаходжанне	Яршэвічы
Архітэктурны стыль	псеўдарускі стыль
Дата пабудовы	другая палова XIX ст.
Медыяфайлы на Вікісховішчы

У паняцця ёсць і іншыя значэнні, гл. Спаса-Узнясенская царква.

Архітэктура

Царква — помнік архітэктуры псеўдарускага стылю.

Храм падоўжна-восевай кампазіцыі, складаецца з шатровай трох’яруснай вежы-званіцы (васьмярык на 2 чацверыках), нізкага бабінца, кубападобнага асноўнага аб’ёму і пяціграннай апсіды. Асноўны квадратны ў плане аб’ём накрыты чатырохсхільным дахам з цыбулепадобнай галоўкай па васьмігранным барабане. На фоне бутавай муроўкі сцен вылучаюцца атынкаваныя элементы архітэктурнага дэкору: вуглавыя лапаткі, аркатурныя фрызы, ліштвы здвоеных арачных аконных праёмаў.

Зноскі