Спаса-Ушэсцеўская царква (Вялікі Рожан)

У паняцця ёсць і іншыя значэнні, гл. Спаса-Ушэсцеўская царква.

Спаса-Ушэсцеўская царква — драўляны праваслаўны храм у в. Вялікі Рожан Салігорскага раёна Мінскай вобласці. Знаходзіцца на вул. Садовая.

Славутасць
Спаса-Ушэсцеўская царква
52°46′15″ пн. ш. 27°07′23″ у. д.HGЯO
Краіна	Беларусь
Вёска	Вялікі Рожан
Канфесія	БПЦ
Епархія	Слуцкая епархія
Першае згадванне	1845
Будаўніцтва	1985—1988 гады

Гісторыя

Пабудавана ў 1985—1988 гады з дрэва на месцы храма, збудаванага ў 1845 годзе на сродкі князя Вітгенштэйна. Перад храмам пастаўлена 2-ярусная зрубна-каркасная званіца. Пробашчам з’яўляецца іерэй Віктар Сцяпанавіч Варашкевіч^[1].

Архітэктура

Вырашана ў традыцыях народнага храмабудаўніцтва XIX ст. Падоўжаны ў плане прамавугольны зруб завершаны 4-гранным ярусам з цыбулепадобным купалам на 8-гранным барабане. З усходняга боку далучана прамавугольная з бакавымі рызніцамі апсіда, завершаная макаўкай, з заходняга — прамавугольны прытвор, 2-схільны дах якога таксама завершаны макаўкай. Фасады прарэзаны арачнымі і квадратнымі аконнымі праёмамі. Уваход аформлены слуповым ганкам пад 2-схільным пакрыццём^[2].

Зноскі

1. Спаса-Ушэсцеўская царква (Вялікі Рожан) Архівавана 25 кастрычніка 2019.
2. Ушэсцеўская царква