Спілвэ (мікрараён)

У паняцця ёсць і іншыя значэнні, гл. Спілвэ.

Спілвэ (лат.: Spilve) — мікрараён Рыгі. Знаходзіцца ў Пардаўгаве (Задзвінні) (Курзэмскі раён). Абмежаваны ракой Даўгавай, вуліцай Даўгаўгрывас, чыгуначнай веткай Засулаўкс — Болдэрая і вуліцай Спілвэс. Плошча раёна — 9,576 км ². Насельніцтва — 91 чалавек (2015).

Спілвэ
56°59′46″ пн. ш. 24°03′55″ у. д.HGЯO
Краіна	Латвія
Горад	Рыга

Асноўнай славутасцю раёна з’яўляецца аэрапорт.

Геаграфія

Рэльеф Спілвэ нізінны і раўнінны, вышыня асноўнай часткі мікрараёна не перавышае 2 метры над узроўнем мора. Выключэннем з’яўляецца паўднёва-заходняя частка, дзе праходзіць дзюнная града Нордэкі-Калнцыемс (да 17 метраў над узроўнем мора). Большую частку мікрараёна займаюць забалочаныя раўнінныя лугі, якія распасціраюцца ў напрамку з паўднёвага захаду на паўночны ўсход паласой даўжынёй да 8 кіламетраў, шырынёй да 3 кіламетраў.

З паўднёва-ўсходняга боку да Спілвэ прымыкае Даўгава. Па цэнтральнай частцы мікрараёна працякаюць Хапака-гравіс, Спілвес-гравіс і Лачупітэ, якія разам з меліярацыйнымі каналамі дрэнуюць тэрыторыю мікрараёна.

Згодна з цяперашнім планам развіцця Рыгі, прыродныя тэрыторыі і тэрыторыі насаджэнняў займаюць 173,3 га, або 18,1 % ад плошчы Спілвэ. У межах мікрараёна на паўднёвым захадзе і на паўночным захадзе ёсць ўчасткі лесу.