Станіслаў Эдуардавіч Чавус

У Вікіпедыі ёсць артыкулы пра іншых людзей з прозвішчам Чавус.

Станіслаў Эдуардавіч Чавус (нар. 2 верасня 1988, Мінск) — беларускі мастацтвазнавец, музеязнавец. Магістр культуралогіі (2013)^[1].

Станіслаў Эдуардавіч Чавус
Дата нараджэння	2 верасня 1988(1988-09-02) (37 гадоў)
Месца нараджэння	Мінск, Беларуская ССР, СССР
Грамадзянства	Беларусь
Род дзейнасці	мастацтвазнавец, музеязнавец
Месца працы	Нацыянальны мастацкі музей Рэспублікі Беларусь
Альма-матар	Беларускі дзяржаўны ўніверсітэт культуры і мастацтваў (2011)

Біяграфія

Нарадзіўся 2 верасня 1988 года ў Мінску. У 2011 годзе скончыў Беларускі дзяржаўны ўніверсітэт культуры і мастацтваў, кафедру гісторыі Беларусі і музеязнаўства; у 2013 годзе — магістратуру, у 2017 годзе — аспірантуру па спецыяльнасці «Музеязнаўства, кансервацыя і рэстаўрацыя гісторыка-культурных аб’ектаў»^[1].

Працуе ў Нацыянальным мастацкім музеі Рэспублікі Беларусь; на 2019 год — старшы навуковы супрацоўнік аддзела старажытнабеларускага мастацтва^[1].

Навуковыя інтарэсы

Даследуе паліхромную скульптуру, беларускі гістарычны партрэт канца XVI — пачатку XIX стагоддзяў, традыцыйную музычна-інструментальную культуру і інш.^[1].