Стральба ў Льюістане

25 кастрычніка 2023 года ў Льюістане (штат Мэн, ЗША) адбылася стральба. Прынамсі 18 чалавек загінулі і дзясяткі атрымалі раненні^[1][2]. Гэты выпадак стаў самым буйным масавам забойствам у краіне за год^[3].

Стральба ў Льюістане
Месца нападу	Льюістан (штат Мэн, ЗША)
Дата	25 кастрычніка 2022
Спосаб нападу	расстрэл
Зброя	агнястрэльная зброя
Загінулыя	18
Параненыя	13
Колькасць тэрарыстаў	1

Падзеі

Вечарам у боўлінг-клубе Sparetime Recreation пачалася стральба. Прыкладна ў 19:15 на выклік аб узброеным нападзе да месца падзей прыбылі паліцыянты і ратавальнікі. Неўзабаве паступіла паведамленне аб стральбе ў рэстаране Schemengees Bar & Grille, а затым у краме Walmart^[4]. У 8 гадзін вечара офіс шэрыфа акругі Андраскогін і паліцыя штата Мэн папярэдзілі жыхароў аб стральбе^[5].

Першапачаткова паведамлялася, што прынамсі 22 чалавекі былі забітыя і 50—60 чалавек атрымалі раненні^[1][6], хоць некаторыя крыніцы пазней заяўлялі пра 15—20 загінулых і 50 пацярпелых^[7]. Пасля паліцыя штата Мэн на прэс-канферэнцыі паведаміла, што было забіта 18 чалавек, ячшэ 13 паранены^[8]. Не ўсе параненыя атрымалі агнястрэльныя раненні; некаторыя атрымалі траўмы ў цісканіне^[7].

Наступствы

На наступны дзень былі адменены заняткі ў муніцыпальным каледжы штата Мэн і дзяржаўных школах Льюістана^[9][10].

Да расследвання нападу падключана ФБР^[11].

Хутка паліцыя пачала вышук падазраванага — 40-гадовага Роберта Карда^[12]. Меркаваны нападнік быў інструктарам па агнястрэльнай зброі і меў ваенны вопыт^[13]. Адзін час працаваў інструктарам па стралковай зброі ва Украіне^[14].