Стрэжаўскае княства

Стрэжаўскае княства — удзельнае княства з цэнтрам у горадзе Стрэжаў, дакладнае месцазнаходжанне якога не высветлена^[1], якое існавала ў 2-й палове XII ст.

Княства, мусіць, створана ў 1159 годзе калі Усевалад Глебавіч перадаў Ізяслаўль полацкаму князю Рагвалоду Барысавічу, а на замен атрымаў Стрэжаў, дзе, напэўна, княжыў да сваёй смерці. Пазней пра княства нічога не паведамляецца.

Князі стрэжаўскія

• 1159: Усевалад Глебавіч, князь ізяслаўскі (1151—1159), князь стрэжаўскі (з 1159)

Зноскі

1. Паводле адной з гіпотэз, размяшчаўся каля ўпадзення ракі Свячанка ў возера Стрэжаў (Стрыжаў), дзе цяпер размяшчаецца сяло Стрыжава ў Бешанковіцкім раёне Віцебскай вобласці, паводле іншай — на месцы сучаснага Стрэшына ў Жлобінскім раёне Гомельскай вобласці.