Стубла (балота)

Сту́бла^[1] — балота пераважна нізіннага тыпу^[1] на тэрыторыі Івацэвіцкага, Бярозаўскага і Пружанскага раёнаў Брэсцкай вобласці Беларусі. Кадастравы нумар 112^[2].

Стубла
Размяшчэнне	Івацэвіцкі раён, Бярозаўскі раён, Пружанскі раён
Краіна	Беларусь
Рэгіён	Брэсцкая вобласць
Плошча	78[1] км²
Найбольшая глыбіня	3,8[1] м
Сярэдняя глыбіня	1,6[1] м

Балота знаходзіцца на вадазборы ракі Жыгулянка^[1]. Яго плошча складае 7800 га, у межах прамысловага пакладу 4800 га^[1]. Глыбіня торфу да 3,8 м, сярэдняя — 1,6 м. Запасы торфу складаюць 14 млн тон^[1]. Балота часткова асушана. Выкарыстоўваецца пад сенажаці і ў якасці сыравіннай базы торфапрадпрыемства «Бярозаўскае». На неасушаных участках балота мяшаныя лясы і пераважна асаковае травяное покрыва.

Зноскі

1. БелЭн 2002.
2. Обуховский Ю. М. Ландшафтно-экологическая классификация торфяно-болотных комплексов Беларуси // Земля Беларуси, 1/2007. — С. 33—36. Архівавана 3 чэрвеня 2020. (руск.) (Праверана 22 чэрвеня 2023)