Стэрэатруба

Стэрэатруба́^[1] — бінакулярны перыскапічны аптычны прыбор для назірання з-за ўкрыцця, вывучэння мясцовасці і цэлей, вымярэння вуглоў і адлегласцей.

Стэрэатруба на трынозе

Стэрэатруба, замацаваная на драўлянай апоры ў музеі Школы афіцэраў запасу (фінск.: RUK-museo), горад Хаміна, Фінляндыя

Складаецца з двух перыскапічных зрокавых труб з акулярамі, трымальніка, лімба і трыногі. Мае 10-кратнае павелічэнне (з дадатковымі акулярамі — 20-кратнае). Пераменная адлегласць паміж акулярамі (стэрэабазіс) забяспечвае атрыманне стэрэаскапічнага відарыса. Вертыкальныя і гарызантальныя вуглы вымяраюцца пры дапамозе вугламернай сеткі, размешчанай у правым акуляры. У некаторых стэрэатруб маецца рухомая абойма на акулярах зрокавых труб, якая дазваляе весці назіранне як у процівагазе, так і без яго^[2]. Таксама выкарыстоўваецца падсветка лімба і вугламерных сетак^[2]. Існуюць варыянты стэрэатруб, якія могуць быць замацаваны на падручных апорах (напрыклад, драўляных).