Субэкватарыяльны клімат

Субэкватарыя́льны клі́мат^[1] — клімат субэкватарыяльных шырот.

Межы паводле Б. П. Алісова

Субэкватарыяльны клімат характарызуецца высокай тэмпературай паветра, малымі яе ваганнямі на працягу года і вялікай колькасцю ападкаў. Атмасферная цыркуляцыя мае характар трапічных мусонаў. Ападкаў выпадае 2000—2500 мм за год, на схілах гор, якія павернуты ў бок летніх мусонаў, — да 12 000 мм за год^[1][2]. Ад экватарыяльнага клімату адрозніваецца сухім зімовым перыядам.

Субэкватарыяльны клімат найбольш характэрны экватарыяльнай Афрыцы, Паўднёвай і Паўднёва-Усходняй Азіі, поўначы Аўстраліі^[2].