Супясчаныя глебы

Супясча́ныя гле́бы^[1] — глебы, у складзе якіх маецца 10—20 % часцінак фізічнай гліны^[1].

Супясчаныя глебы ўтвараюцца на водна-ледавіковых, ледавіковых, супясчаных лёсападобных і алювіяльных адкладах. Адрозніваюць пылаватыя і пясчаныя^[1].

Супясчаным глебам характэрны высокая водапранікальнасць і паветрапранікальнасць, хуткая страта вільгаці і пажыўных рэчываў, глыбістасць, утварэнне скарынкі на паверхні, павышаная кіслотнасць і завалуненасць, добры прагрэў і здольнасць доўга захоўваць цяпло. Прыдатныя да вырошчвання розных культур, але патрабуюць павышэння і падтрымкі ўрадлівасці (унясенне ўгнаенняў, мульчыраванне, сідэрацыя), аптымізацыі воднага рэжыму.

На тэрыторыі Беларусі супясчаныя глебы з’яўляюцца найбольш пашыраным тыпам^[1].

Гл. таксама

• Супесак

Зноскі

1. БелЭн 2002.