Сустрэча на Эльбе

Сустрэча на Эльбе — назва падзеі, якая адбылася 25 красавіка 1945 года побач з горадам Таргаў на рацэ Эльба. Войскі 1-га Украінскага фронту сустрэліся з войскамі 1-ай арміі ЗША. У выніку сустрэчы войск саюзнікаў рэшткі фашысцкіх войскаў былі расколаты на дзве часткі — паўночную і паўднёвую.

2-і лейтэнант У.Робертсан і лейтэнант А. С. Сільвашка на фоне надпісу «Усход сустракаецца з Захадам»

Першая сустрэча адбылася, калі амерыканскі патруль на чале з першым лейтэнантам Альбертам Кацэбу перайшоў Эльбу. На усходнім беразе яны сустрэлі савецкіх салдатаў на чале з падпалкоўнікам Аляксандрам Гардзіевым. У той жа дзень яшчэ адзін амерыканскі патруль (на чале з другім лейтэнантам Арміі ЗША Уільямам Робертсанам) сустрэўся з савецкімі салдатамі на чале з украінцам^[1] лейтэнантам Аляксандрам Сільвашкам на разбураным мосце цераз Эльбу каля Таргаў.

Знакамітае фота было зроблена на наступны дзень, калі камандзіры 69-ай дывізіі Арміі ЗША і 58-ай гвардзейскай дывізіі Чырвонай Арміі сустрэліся ў Таргаў.

Пасля вайны Аляксандр Сільвашка асеў у Беларусі, дзе і пражыў да 2010 года. Пахаваны на могілках «Міханавічы» пад Мінскам.^[2]

• 
  Сустрэча на Эльбе
• 
  Мемарыяльны знак, устаноўлены на месцы сустрэчы
• 
  Саюзнікі каля Таргау

У кіно

Мастацкае кіно

• Мастацкі фільм «Сустрэча на Эльбе», 1949 год

Дакументальнае кіно

• Дакументальны фільм «Сустрэча на Эльбе» (рэж. А. Алай, І. Магучава), 2005
• Дакументальны фільм «Сустрэча на Эльбе» з цыкла Алтар Перамогі (НТВ, 2010).

Зноскі

1. После войны Александр Сильвашко переехал из Черкасской области Украины, где жил ранее, в Беларусь и посвятил себя любимому делу — воспитанию подрастающего поколения.
2. Дипломаты возложили цветы к могиле героя встречи на Эльбе Александра Сильвашко (нявызн.)(недаступная спасылка). Архівавана з першакрыніцы 23 верасня 2021. Праверана 23 верасня 2021.