Сыраежка пурпурова-чырвоная

Сыраежка пурпурова-чырвоная, сыраежка (Russula obscura Rom.) — шапкавы базідыяльны грыб з роду Сыраежка (Russula) сямейства Сыраежкавыя (Russulaceae).

Сыраежка пурпурова-чырвоная
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Парадак:  Сыраежкавыя Сямейства:  Сыраежкавыя Род:  Сыраежка Від:  Сыраежка пурпурова-чырвоная
Міжнародная навуковая назва
Russula obscura (Rom.) Rom., 1906
Выявы на Вікісховішчы MB   439053

Апісанне

Пладовае цела грыба — шапка на ножцы. Шапка дыяметрам 4—8 см, паўшарападобная ў маладых грыбоў, пазней распасцёртая і ўвагнутая ў сярэдзіне. Край шапкі тоўсты, часам апушчаны ўніз і слаба рубчасты. Колер шапкі ад пурпурова-чырвонага з краю да пурпурова-бурага ў цэнтры. Мякаць крохкая, белаватая з ружаватым адценнем, з прыемным пахам і мяккім смакам. У спелых грыбоў мякаць набывае шараватую афарбоўку. Скурка на шапцы адстае ад краю да сярэдзіны. Ножка даўжынёй 3—8 см і 1—2,5 см у дыяметры, круглая, часам крыху выгнутая, суцэльная, белаватая з ружаватым адценнем. З узростам ножка становіцца рыхлай і набывае брудна-шараваты колер. Пласцінкі прырослыя або свабодныя, шырокія. Колер пласцінак у маладых грыбоў белаваты, з узростам становіцца вохрыста-жоўтым. Споры шыпаватыя, шырокаавальныя, светла-крэмавага колеру.

Ядомы грыб.

Экалогія і распаўсюджванне

Растуць у хвойных лясах. Пладовыя целы з'яўляюцца ў жніўні—верасні, паасобку або невялікімі групамі.

Таксанамія

Сінонімы

• Russula obscura Rom., 1906basionym
• Russula decolorans var. obscura Rom., 1891
• Russula vinosa Lindblad, 1901
• Russula pubescens Velen., 1920
• Russula phoenix Kucera, 1930

Літаратура

• Сержанина Г. И., Змитрович И. И. Макромицеты. Иллюстрированное пособие для биологов (руск.) / Под ред. Н. А. Дорожкина. — Мн.: Вышэйшая школа, 1978. — С. 151. — 192 с. — 60 000 экз.

Спасылкі

• Санитарные нормы и правила «Санитарно-эпидемиологические требования для организаций, осуществляющих заготовку, переработку и продажу грибов» Архівавана 4 жніўня 2016. (руск.)
• Russula obscura // Mushroom World(недаступная спасылка) (англ.)
• Russula obscura невалидное название (руск.) // Інфармацыйна-аналітычная сістэма «Особо охраняемые природные территории России» (ИАС «ООПТ РФ»)