Сяргей Аляксандравіч Галаўко

У Вікіпедыі ёсць артыкулы пра іншых людзей з прозвішчам Галаўко.

Сяргей Аляксандравіч Галаўко (нар. 10 чэрвеня 1928, в. Малая Каўпеніца, Баранавіцкі раён, Брэсцкая вобласць) — беларускі педагог, спецыяліст у галіне агульнай педагогікі, гісторыі педагогікі і адукацыі. Кандыдат педагагічных навук (1978), прафесар (2000).

Сяргей Аляксандравіч Галаўко
Дата нараджэння	10 чэрвеня 1928(1928-06-10) (97 гадоў)
Месца нараджэння	Малая Каўпеніца, гміна Сталовічы, Баранавіцкі павет, Навагрудскае ваяводства, Польская Рэспубліка
Грамадзянства	Беларусь
Месца працы	Беларускі дзяржаўны эканамічны ўніверсітэт
Навуковая ступень	кандыдат педагагічных навук
Навуковае званне	прафесар
Альма-матар	Мінскі дзяржаўны музычны каледж імя М. І. Глінкі Мінскі дзяржаўны лінгвістычны ўніверсітэт
Узнагароды	Заслужаны дзеяч культуры Беларускай ССР (1987)

Біяграфія

Скончыў Мінскае музычнае вучылішча імя М. І. Глінкі (спецыяльнасць «Сольныя спевы», 1952), Мінскі дзяржаўны педагагічны інстытут замежных моў (спецыяльнасць «Французская мова», 1954).

Працаваў у Беларускім дзяржаўным эканамічным універсітэце (з 1961, дацэнт кафедры замежных моў, у 1973—1988 — загадчык кафедры, з 1995 — прафесар кафедры раманскіх моў, адначасова ў 1973—2017 — мастацкі кіраўнік народнага мужчынскага вакальнага ансамбля «Чырвоны гваздзiк»).

Навуковыя інтарэсы: тэорыя і методыка навучання замежным мовам будучых эканамістаў; арганізацыя вышэйшай адукацыі ў Францыі; замежная эканамічная тэрміналогія; аналітыка-сінтэтычная апрацоўка эканамічных тэкстаў на французскай мове; педагагічнае майстэрства выкладчыка.

Узнагароды

Званне «Заслужаны работнік культуры Беларускай ССР» (1987).

Бібліяграфія

• Реформы университетского образования во Франции в конце 60-х — начале 70-х годов XX века (критический анализ) : автореферат диссертации … кандидата педагогических наук : 13.00.01 / Головко Сергей Александрович. ― Минск, 1978.

Зноскі