Сяргей Мікалаевіч Шаціла

Сяргей Мікалаевіч Шаці́ла (нар. 2 студзеня 1949, в. Саланіўка, Гараднянскі раён, Чарнігаўская вобласць, Украіна) — беларускі вучоны ў галіне аховы працы і тэхнікі бяспекі. Кандыдат тэхнічных навук (1983), дацэнт (1985).

Сяргей Мікалаевіч Шаціла
Дата нараджэння	2 студзеня 1949(1949-01-02) (76 гадоў)
Месца нараджэння	Саланіўка, Гараднянскі раён, Чарнігаўская вобласць, УССР, СССР
Месца працы	БелДУТ
Навуковая ступень	кандыдат тэхнічных навук
Навуковае званне	дацэнт
Альма-матар	БелІІЧТ (1976)
Узнагароды	Ганаровая грамата Савета Міністраў Рэспублікі Беларусь

У Вікіпедыі ёсць артыкулы пра іншых людзей з прозвішчам Шаціла.

Біяграфія

У 1976 годзе скончыў Беларускі інстытут інжынераў чыгуначнага транспарту па спецыяльнасці «Вагоннабудаванне і вагонная гаспадарка». У 1982 годзе абараніў дысертацыю ў Маскоўскім інстытуце інжынераў чыгуначнага транспарту па спецыяльнасці «Тэхніка бяспекі і пажарная бяспека».

З 1976 года працуе ў Беларускім дзяржаўным універсітэце транспарту на кафедры «Ахова працы». У 1983 годзе прызначаны загадчыкам кафедры.

Навуковая дзейнасць

Асноўныя навуковыя інтарэсы: ахова працы, пажарная бяспека, бяспека жыццядзейнасці, бяспека ў тэхнасферы.

Узнагароды

У 2013 годзе ўзнагароджаны Ганаровай граматай Савета Міністраў Рэспублікі Беларусь.