Сяргей Міхайлавіч Сівец

Сярге́й Міха́йлавіч Сіве́ц (нар. 11 верасня 1973, Мінск^[1]) — беларускі юрыст і дзяржаўны дзеяч, член Савета Рэспублікі Нацыянальнага Сходу Рэспублікі Беларусь.

Сяргей Міхайлавіч Сівец
Член Савета Рэспублікі Нацыянальнага сходу Рэспублікі Беларусь VII склікання з 2019
Прэзідэнт	Аляксандр Лукашэнка
Нараджэнне	11 верасня 1973(1973-09-11) (52 гады) Мінск, Беларуская ССР, СССР
Член у	Канстытуцыйная камісія
Адукацыя	юрыдычны факультэт БДУ (1995)
Навуковая ступень	кандыдат юрыдычных навук
Месца працы	БДУ Інстытут прававых даследаванняў Нацыянальнага цэнтра заканадаўства і прававых даследаванняў Рэспублікі Беларусь[d]
Узнагароды

У Вікіпедыі ёсць артыкулы пра іншых людзей з прозвішчам Сівец.

Біяграфія

У 1995 годзе з адзнакай скончыў юрыдычны факультэт Беларускага дзяржаўнага ўніверсітэта, пасля чаго таксама аспірантуру, дактарантуру таго ж факультэту. Атрымаў тытул кандыдата юрыдычных навук.

З 1998 года працаваў выкладчыкам права і займаў шэраг пасад у БДУ, у тым ліку пасаду намесніка дырэктара — кіраўніка Інстытута прававых даследаванняў Нацыянальнага цэнтра заканадаўства і прававых даследаванняў Рэспублікі Беларусь.

У снежні 2019 года ўвайшоў у склад Савету Рэспублікі Нацыянальнага Сходу Рэспублікі Беларусь 7-га склікання ад Мінска^[2], заняў пасаду старшыні Пастаяннай камісіі па заканадаўстве і дзяржаўным будаўніцтве.

Падчас кампаніі па выбарах Прэзідэнта Беларусі ў 2020 годзе і пратэстаў, што пачаліся пасля выбараў, С. Сівец адзначыўся шэрагам заяваў і ініцыятыў, якія атрымалі розгалас у СМІ. У прыватнасці, ён крытыкаваў масавыя акцыі падчас перадвыбарчай кампаніі^[3] і абвінавачваў удзельнікаў пратэстаў у несамастойнасці^[4].

У канцы верасня 2020 года ўнёс прапанову па зменах у Кодэкс аб адміністрацыйных правапарушэннях, якія прадугледжвалі фактычную забарону бела-чырвона-белага сцяга^[5][6].

15 сакавіка 2021 года ўвайшоў у склад Канстытуцыйнай камісіі, якая ў мэтах ажыццяўлення рэзалюцыі шостага Усебеларускага народнага сходу распрацоўвае прапановы па змяненні Канстытуцыі Беларусі і забяспечвае іх усенароднае абмеркаванне^[7].

Узнагароды

• Медаль «За працоўныя заслугі» (2022)^[8].

Зноскі

1. Справка — Сивец, Сергей Михайлович (кандидат юридических наук; государственный деятель; род. 1973) — Зводны электронны каталог бібліятэк Беларусі
2. Безь Мясніковіча, Орды і Шчоткінай. Каго вылучылі кандыдатамі ад Мінска ў Савет Рэспублікі — Радыё Свабода, 1 кастрычніка 2019 г.
3. «Сенатар» Сівец: Размахванне кулакамі ў грамадскіх месцах не мае дачынення да дэмакратыі — Белсат, 11.07.2020
4. Сивец: получена такая установка — выйти на площади и попытаться раскачать наше общественное согласие — Советская Белоруссия, 30 жніўня 2020 г. (руск.)
5. Ідэя сенатара Сіўца — штрафаваць за кожны бел-чырвона-белы сцяг на 135 рублёў — Наша Ніва, 29.09.2020
6. Член Савета Рэспублікі прапанаваў штрафаваць вытворцаў і карыстальнікаў нацыянальных сцягоў — Радыё Свабода, 29 верасня 2020 г.
7. Указ Президента Республики Беларусь 15 марта 2021 г. № 105 «О Конституционной комиссии» (руск.)(недаступная спасылка). Национальный правовой Интернет-портал Республики Беларусь (17 сакавіка 2021). Архівавана з першакрыніцы 28 снежня 2021. Праверана 20 сакавіка 2021.
8. Указ Президента Республики Беларусь от 31 марта 2022 г. № 132 «Аб узнагароджанні» // Национальный правовой Интернет-портал Республики Беларусь