Сяргей Уладзіміравіч Шапран

Сяргей Уладзіміравіч Шапран (нар. 11 лютага 1968, г. Рыга, Латвійская ССР) — беларускі журналіст, філолаг, даследчык літаратуры.

Сяргей Уладзіміравіч Шапран
Дата нараджэння	11 лютага 1968(1968-02-11) (57 гадоў)
Месца нараджэння	Рыга, Латвійская Савецкая Сацыялістычная Рэспубліка, СССР
Грамадзянства	Беларусь
Род дзейнасці	журналіст, пісьменнік, філолаг, літаратуразнавец
Навуковая сфера	журналістыка[1] і біяграфія[1]
Альма-матар	філалагічны факультэт БДУ Прэмія імя Алеся Адамовіча
Член у	Саюз беларускіх пісьменнікаў Беларускі ПЭН

У Вікіпедыі ёсць артыкулы пра іншых людзей з прозвішчам Шапран.

Біяграфія

Нарадзіўся 11 лютага 1968 года ў Рызе (Латвія). Скончыў у 1992 годзе аддзяленне рускай мовы і літаратуры філалагічнага факультэта Беларускага дзяржаўнага ўніверсітэта^[2].

Яшчэ падчас вучобы пачаў займацца журналістыкай, любімы жанр — інтэрв’ю. Друкаваўся ў перыядычных выданнях «Советская молодёжь», «Час», «Суббота» (Рыга); «Знамя юности», «Имя», «Белорусская деловая газета», «Новы Час», у часопісах «Дзеяслоў», «Абажур» і іншых^[2].

У апошнія гады займаецца даследаваннямі жыцця і творчасці Васіля Быкава, Рыгора Барадуліна, Генадзя Бураўкіна, а таксама Уладзіміра Някляева^[2].

Член Саюза беларускіх пісьменнікаў^[2]. У 2019 годзе выключаны з Беларускага ПЭН-цэнтра за няплату ўнёскаў^[3].

Узнагароды

Атрымаў дыплом Саюза тэатральных дзеячаў (2000), прэмію «За ўнёсак у развіццё беларускай рок-музыкі» (2007). Лаўрэат прэміі імя Алеся Адамовіча за даследаванне «Васіль Быкаў. Гісторыя жыцця ў дакументах, публікацыях, успамінах» (2011)^[2].

Зноскі

1. Národní autority České republiky Праверана 7 лістапада 2022.

   <a href='https://wikidata.org/wiki/Track:Q13550863'></a>
2. Шапран Сяргей Уладзіміравіч
3. Ма. «Гей-лобі і марксісты»: Павал Севярынец абвінаваціў ПЭН-цэнтар у «ганеньні на хрысьціян». Што там адказалі  (бел.). Радыё Свабода (23 кастрычніка 2019). Праверана 6 верасня 2023.