Сярэдневенгерскія горы

Сярэдневенге́рскія го́ры^[2] — шэраг ізаляваных горных масіваў у Венгрыі, на захад ад даліны ракі Дунай.

Сярэдневенгерскія горы
Краіна	Венгрыя
Даўжыня	150 (180[1]) км
Найвышэйшая вяршыня	Кёрыш-Хедзь
Найвышэйшы пункт	709 м
Медыяфайлы на Вікісховішчы

Працягваюцца на 150^[2][3] (180^[1]) км напрамку з паўднёвага захаду на паўночны ўсход. Вышыні 400—700 м. Найвышэйшая кропка — гара Кёрыш-Хедзь (венг.: Kőris-hegy) (709 м^[4]) у масіве Баконь.

Горы складзены пераважна з даламітаў і вапнякоў. Развіты карст. Старажытны вулканізм. На схілах гор шыракалістыя лясы. Маюцца радовішчы баксітаў, марганцавых руд, мінеральныя крыніцы. У межах масіва Будаі-Хедзьшэг (Буда^[2][3]) размешчана частка сталіцы Венгрыі горада Будапешт. У Сярэдневенгерскіх гарах дзейнічаюць ландшафтныя заказнікі (Вертэш, Герэчэ).