Сідхартха (раман)

«Сідхартха» (ням.: Siddhartha) — раман пісьменніка Германа Гесэ, упершыню апублікаваны ў 1922 годзе. На беларускай мове ўпершыню выдадзены ў перакладзе А.Арашонка ў 2007 годзе^[1].

Сідхартха
ням.: Siddhartha
Жанр	philosophical novel[d] і developmental novel[d]
Аўтар	Герман Гесэ
Мова арыгінала	нямецкая
Дата напісання	1922
Дата першай публікацыі	1922
Колькасць старонак	152
Папярэдні	Klingsor's Last Summer[d]
Медыяфайлы на Вікісховішчы

Сюжэт

Дзеянне кнігі адбываецца ў старажытнай Індыі. У рамане апісваецца жыццё брахмана Сідхартхі ад дзяцінства да смерці, яго пошукі сябе і духоўны рост. Галоўны герой паслядоўна праходзіць этапы вучобы ў бацькоўскім доме, падарожжа з аскетамі-саманамі, зносіны з Будай, знаёмства з гетэрай Камалай і багатага жыцця сярод простых людзей, адмовы ад мірскіх дабротаў і дажывання да старасці. Рака, дзе ён працуе паромшчыкам і нарэшце знаходзіць гармонію ў жыцці.

Дзеючыя асобы

• Сідхартха — галоўны герой, брахман
• Гавінда — паслядоўнік Буды
• Бацька Сідхартхі
• Саманы — вандроўныя паслядоўнікі жорсткага аскетызму, якія вучаць Сідхартху, што ўтаймаванне сваіх жаданняў вядзе да прасвятлення
• Гаўтама — Буда, вучэнне якога адмаўляе галоўны герой
• Камала — куртызанка, якая вучыць Сідхартху мастацтву пачуццёвага задавальнення, маці яго сына
• Камасвамі — гандляр, які вучыць галоўнага героя зарабляць грошы
• Вазудэва — паромшчык, духоўны настаўнік Сідхартхі
• Малады Сідхартха — сын Сідхартхі і Камалы, які некаторы час жыве з бацькам

Экранізацыі

У 1972 годзе раман быў экранізаваны пад назвай «Siddhartha». Рэжысёрам фільма выступіў малавядомы амерыканскі рэжысёр Конрад Рукс. Здымкі праходзілі ў Індыі. Галоўную ролю выканаў Шашы Капур. Нягледзячы на тое, што фільм атрымаў прыязныя водгукі крытыкаў, ён не меў камерцыйнага поспеху.