Сяргей Іванавіч Сідор

Сяргей Іванавіч Сідо́р^[1] (25 мая 1937; в. Янаўшчына, Зэльвенскі раён — 17 ліпеня 1998) — беларускі географ, кандыдат геаграфічных навук (1971)^[2], доктар педагагічных навук (1991), прафесар (1992).

Сяргей Іванавіч Сідор
Дата нараджэння	25 мая 1937(1937-05-25)
Месца нараджэння	Янаўшчына, Ваўкавыскі павет, Беластоцкае ваяводства, Польская Рэспубліка
Дата смерці	17 ліпеня 1998(1998-07-17) (61 год)
Грамадзянства	СССР  Беларусь
Род дзейнасці	навуковец
Навуковая сфера	геаграфія
Месца працы	МДУ імя А. А. Куляшова БДУ
Навуковая ступень	доктар педагагічных навук (1991) і кандыдат геаграфічных навук (1971)
Навуковае званне	прафесар
Альма-матар	Ваўкавыскае педагагічнае вучылішча геаграфічны факультэт БДУ

Біяграфія

Скончыў Ваўкавыскае педагагічнае вучылішча ў 1959 годзе^[2], геаграфічны факультэт Беларускага дзяржаўнага ўніверсітэта ў 1964 годзе.

Настаўнік Котчынскай і Зарудаўскай школ (Мастоўскі раён, 1959—1967), дырэктар Індурскай школы рабочай моладзі (Гродзенскі раён). Малодшы навуковы супрацоўнік Навукова-даследчага інстытута педагогікі Міністэрства асветы БССР (1970—1971). З 1971 года выкладчык у Магілёўскім педагагічным інстытуце. З 1974 года ў Беларускім дзяржаўным універсітэце, адначасова з 1995 года намеснік рэдактара часопіса «Геаграфія: Праблемы выкладання».

Навуковая дзейнасць

Навуковыя працы па эканамічнай геаграфіі Беларусі, методыцы выкладання геаграфіі. Адзін з ініцыятараў распрацоўкі новай канцэпцыі выкладання геаграфіі ў школах незалежнай Беларусі. Аўтар падручнікаў і вучэбных дапаможнікаў для школ і ВНУ.

Апісаў Беларусь у геаграфічным ракурсе («Геаграфія Беларусі. Энцыклапедычны даведнік», 1993; «Займальная геаграфія Беларусі», 1995, у сааўтарстве; «Геаграфія Беларусі ў пытаннях і адказах», 1998, у сааўтарстве).

Выбраная бібліяграфія

• Социально-экономическая география СССР: наука и учебная дисциплина. — Мн.: Университетское, 1989.
• Геаграфічныя паняцці і тэрміны. — Мн.: Беларуская энцыклапедыя, 1993.
• Геаграфія Беларусі: падручнік для 9 класа сярэдняй школы / Сяргей Іванавіч Сідор . — [б. м.] Народная асвета, 1995.
• Тэорыя сацыяльна-эканамічай геаграфіі: Курс лекцый. — Мн.: БДУ, 2001 (у сааўтарстве).

Зноскі

1. БелЭн 2002.
2. Сідор Сяргей Іванавіч, доктар педагагічных навук, кандыдат геаграфічных навук на сайце анлайн-энцыклапедыі «Беларусь у асобах і падзеях»