Талбачык

У паняцця ёсць і іншыя значэнні, гл. Талбачык (значэнні).

Талба́чык^[2], Талбачынскі вулканічны масіў^[2], Талбачынскі (руск.: Толба́чик) — вулканічны масіў у Расіі, на ўсходзе паўвострава Камчатка, у паўднёва-заходняй частцы Ключаўской групы вулканаў.

Талбачык
руск. Толбачик
Краіна	Расія
Рэгіён	Камчацкі край
Востраў	Камчатка
Хрыбет ці масіў	Ключаўская група вулканаў
Форма вулкана	шчытавы вулкан
Перыяд утварэння	плейстацэн
Апошняе вывяржэнне	27 лістапада 2012 года
Вышыня вяршыні	3611 м [1]
Адносная вышыня	2 190 м
Медыяфайлы на Вікісховішчы

Масіў складаецца з двух зрослых асновамі стратавулканаў Востры Талбачык (без кратара, вышынёй 3682 м), Плоскі Талбачык (вышынёй 3140 м) і 120 пабочных вулканічных конусаў. Складзены з андэзітабазальтаў. Востры Талбачык уяўляе сабой патухлы стратавулкан з разбуранай вяршыняй. Плоскі Талбачык — стратавулкан, вяршыня якога зрэзаная двума кальдэрамі гавайскага тыпу.

Вядомыя вывяржэнні ў 1740, 1769, 1788—1790, 1793, 1904, 1931, 1939—1941, 1954 гадах. У 1975—1976 гадах адбылося моцнае вывяржэнне, якое суправаджалася ўтварэннем новых вулканічных конусаў і купалаў уздоўж трэшчын па перыферыі вулкана. Апошняе вывяржэнне адбылося ў 2012—2013 гадах.