Талінскае музычнае вучылішча імя Георга Отса

Талінскае музычнае вучылішча імя Георга Отса (эст.: Georg Otsa nimeline Tallinna Muusikakool) — дзяржаўная сярэдняя спецыяльная музычная навучальная ўстанова ў горадзе Таліне, якая насіла з 1975 года імя Георга Отса.

Талінскае музычнае вучылішча імя Георга Отса
Заснавана	1944
Закрыта	31 жніўня 2022
Тып	прафесійна-тэхнічнае вучылішча[d] і музычная школа[d]
Краіна	Эстонія
Сайт	otsakool.edu.ee

Музычнае вучылішча ім. Г. Отса створана ў 1944 годзе на базе заснаванай у 1919 годзе Талінскай вышэйшай музычнай школы (эст. Tallinna Kõrgem Muusikakool; з 1923 года — Талінская кансерваторыя (эст. Tallinna Konservatoorium)).

Працягласць навучання ў вучылішчы — 4 гады (для навучэнцаў, якія скончылі асноўную школу), 3 гады — для навучэнцаў, якія скончылі сярэднюю школу. У вучылішчы два кірункі: класічны і эстрадны.

З 1 верасня 2022 года вучылішча было аб’яднана з новай дзяржаўнай навучальнай установай Эстоніі — Талінскай школай музыкі і балета.