Тамара Уладзіміраўна Ліхач

У Вікіпедыі ёсць артыкулы пра іншых людзей з прозвішчам Ліхач.

Тамара Уладзіміраўна Ліхач (нар. 3 сакавіка 1960, Вілейка, Мінская вобласць) — беларускі музыказнавец, педагог. Кандыдат мастацтвазнаўства (1997), дацэнт (2001).

Тамара Уладзіміраўна Ліхач
Дата нараджэння	3 сакавіка 1960(1960-03-03) (65 гадоў)
Грамадзянства	Беларусь
Род дзейнасці	музыказнавец
Навуковая сфера	музыказнаўства
Месца працы	Беларуская дзяржаўная акадэмія музыкі
Навуковая ступень	кандыдат мастацтвазнаўства (1997)
Навуковае званне	дацэнт (2001)
Альма-матар	Беларуская дзяржаўная кансерваторыя імя А. В. Луначарскага (1986)
Навуковы кіраўнік	І. Дз. Назіна
Вядомыя вучні	С. І. Шэйпа, І. І. Жукоўская, Т. У. Мартынюк

Біяграфія

Нарадзілася 3 сакавіка 1960 года ў горадзе Вілейка Мінскай вобласці^[1].

У 1986 годзе скончыла Беларускую дзяржаўную кансерваторыю імя А. В. Луначарскага па класе М. В. Шыманскага, у 1989 годзе — аспірантуру Інстытута мастацтвазнаўства, этнаграфіі і фальклору АН БССР (навуковы кіраўнік — доктар мастацтвазнаўства І. Дз. Назіна)^[1].

Працоўную дзейнасць у Беларускай дзяржаўнай кансерваторыі (цяпер Акадэмія музыкі) пачала ў 1989 годзе. У 1989—1991 гадах выкладала на кафедры гісторыі музыкі (па сумяшчальніцтве), у 1991—2000 гадах — на кафедры беларускай музыкі (па сумяшчальніцтве). З 2000 па 2017 год — дацэнт кафедры беларускай музыкі. З 2017 года — дацэнт кафедры гісторыі музыкі і музычнай беларусістыкі^[1].

Навуковая дзейнасць

Сфера навуковых інтарэсаў: музычная культура Беларусі, гісторыя літургічных традыцый у Беларусі^[1].

Аўтар арыгінальнага спецкурса «Літургічная музыка Беларусі» для музыказнаўцаў, дырыжораў хору і кампазітараў. Чытае лекцыйныя курсы: «Гісторыя музычнай культуры Беларусі да ХХ ст.», «Гісторыя беларускай музыкі ХХ ст.», «Гісторыя беларускай музыкі», вядзе раздзелы курсаў «Новае ў музыказнаўстве» і «Уводзіны ў музыказнаўства»^[1].

Пад навуковым кіраўніцтвам Т. У. Ліхач былі абаронены кандыдацкія дысертацыі С. І. Шэйпы (2009), І. І. Жукоўскай (2014), Т. У. Мартынюк (2022)^[1].