Таташ Яраш, мамана Аксана, дачэта Альжбэта. Поўны эксклюзіў

«Таташ Яраш, мамана Аксана, дачэта Альжбэта. Поўны эксклюзіў» — кніга пра сям’ю, словы і сваю краіну^[1], зборнік гісторый з жыцця адной сям’і. Аўтар — Аксана Спрынчан.

«Таташ Яраш, мамана Аксана і дачэта Альжбета: Поўны эксклюзіў. Гісторыі з-пад фіялетавага парасона»
Жанр	Літаратура для дзяцей, проза
Аўтар	Аксана Спрынчан
Мова арыгінала	беларуская
Дата першай публікацыі	2013

Сюжэт

Кніга ўяўляе сабой зборнік гісторый з жыцця сям’і — сям’і Яраша Малішэўскага і Аксаны Спрынчан^[2].

Кніга складаецца з шэрагу вясёлых і займальных аповедаў, якімі дзеліцца дачэта пісьменніцы — Альжбэта. У гэтых гісторыях багата рыфмаў, гульняў (у словы і са словамі), і карысных парадаў ад парадысткі дачэты Альжбэты. Кніга вучыць юнага чытача прыслухоўвацца да беларускіх словаў, знаходзіць у іх схаваныя сэнсы і сугуччы. Некаторыя аповеды пабудаваны як цікавыя гульні, якія вучаць адшукаць словы ў словах, рыфмаванню імёнаў^[3].

Па словах самой аўтаркі гэта не проста кніга пра яе сям’ю, а кніга для тых, хто хоча запэўніцца, што ягоная сям’я не менш цікавая, вясёлая і эксклюзіўная^[4].

Змест

А. Спрынчан са сваёй кнігай «Таташ Яраш, мамана Аксана, дачэта Альжбэта. Поўны эксклюзіў». XXI Міжнародная кніжная выстава (Мінск, 08.02.2014)

• Начны бажнік
• Горад, які можна пабіць
• Настрой без рыфмы
• «У балоце ля Лысай Гары»
• Смажаныя вожыкі
• Шкадаванне Дзюймовачкі
• Ці жахлівей жуйкі за дождж?
• Паганкі сапраўдныя, альбо ўпрыгожаныя
• Еш не еш – усё адно смешна
• Дзеялоў
• Яшчэ адна начная гісторыя
• Падзенне на Беларусь
• Альж-бэта-карацін^[5]

Намінацыі

• 2014 год — кніга намінавана на прэмію Гедройца^[6].
• 2015 год — намінавана на «Кнігу года» (арганізатар праекта Беларускі ПЭН-цэнтр)^[7]

Дадатковая інфармацыя

У верасні 2018 года экзэмпляр кнігі з аўтарскім аўтографам быў перададзены аўтарам ў дар у бібліятэку школы № 3 з дадатковым навучаннем беларускай мовы ў Бельску Падляшскім (Польшча)^[8].

Зноскі

1. Аксана Спрынчан (нявызн.). Прэмія Гедройца (19 кастрычніка 2014). Архівавана з першакрыніцы 17 мая 2014. Праверана 17 мая 2014.
2. І мамана, і дачэта… “Будзьма ў Лунінцы” (нявызн.). Будзьма беларусамі! (9 верасня 2013). Архівавана з першакрыніцы 17 мая 2014. Праверана 17 мая 2014.
3. Богуш Святлана. Крышку пра кніжку (нявызн.). Вясёлка (17 кастрычніка 2012). Архівавана з першакрыніцы 19 красавіка 2015. Праверана 17 мая 2014.
4. Кожная пісьменніца павінна нарадзіць хоць аднаго чытача // Кніганоша : газета. — Мн.: ЗБС «Бацькаўшчына», кастрычнік, 2013. — № 22. — С. 1. Архівавана з першакрыніцы 18 красавіка 2015.
5. Спрынчан Аксана. Таташ Яраш, мамана Аксана і дачэта Альжбэта (нявызн.). Prastora.by. Архівавана з першакрыніцы 5 сакавіка 2016. Праверана 17 мая 2014.
6. Поўны спіс намінантаў на прэмію. 40 (нявызн.)(недаступная спасылка). Прэмія Гедройца (19 кастрычніка 2014). Архівавана з першакрыніцы 13 ліпеня 2014. Праверана 17 мая 2014.
7. Дзіцячая літаратура (нявызн.). ПрайдзіСвет. Праверана 29 мая 2015.
8. Беларускія аўтары падаравалі кнігі школьнікам з Бельску-Падляшскага (нявызн.). Новы Час (12 верасня 2018). Архівавана з першакрыніцы 2 кастрычніка 2018. Праверана 2 кастрычніка 2018.