Таццяна Валер’еўна Бялан

У Вікіпедыі ёсць артыкулы пра іншых людзей з прозвішчам Бялан.

Таццяна Валер’еўна Бялан (нар. 10 лістапада 1982, Мінск) — беларуская гімнастка, сярэбраны прызёр Алімпійскіх гульняў 2000 года па мастацкай гімнастыцы ў групавым мнагаборстве, чэмпіёнка свету 1998 года ў групавым мнагаборстве. Заслужаны майстар спорту Рэспублікі Беларусь (1998).

Таццяна Валер’еўна Бялан
Асабістая інфармацыя
Пол	жанчына
Грамадзянства	Беларусь
Дата нараджэння	10 лістапада 1982(1982-11-10) (42 гады)
Месца нараджэння	Мінск, Беларуская ССР, СССР
Ліцэнзія FIG
Найлепшыя вынікі на чэмпіянатах свету
Найлепшыя вынікі на Алімпіядзе
Каманднае першынство	39.500 (2000)
Узнагароды і медалі Летнія Алімпійскія гульні Срэбра Сідней 2000 групавое мнагаборства Дзяржаўныя і ведамасныя ўзнагароды

Біяграфія

Нарадзілася 10 лістапада 1982 года ў Мінску.

Ва ўзросце 11 гадоў стала майстрам спорту. Першым поспехам Таццяны стала перамога на чэмпіянаце свету ў 1998 годзе ў групавым мнагаборстве. У 1999 годзе Таццяна ў складзе каманды заваявала бронзавыя медалі на чэмпіянаце свету ў камандным мнагаборстве і групавых практыкаваннях з абручамі і стужкамі, а таксама сярэбраны медаль у практыкаваннях з 5 мячамі.

На Алімпійскіх гульнях 2000 года каманда Беларусі ў склад якой увайшлі Таццяна Ананька, Таццяна Бялан, Ганна Глазкова, Ірына Ільянкова, Марыя Лазук, Вольга Пужэвіч заваявала сярэбраны медаль у групавым практыкаванні.

Пасля Алімпійскіх гульняў Таццяна пакінула вялікі спорт, працавала ў танцавальным шоу ў Кітаі да 2008 года, пасля чаго стала трэнерам у школе алімпійскага рэзерву^[1].

Узнагароды

• Заслужаны майстар спорту Рэспублікі Беларусь (1998).

Зноскі

1. Где вы теперь, кто вам целует пальцы?