Таццяна Генадзеўна Палушкіна

Таццяна Генадзеўна Палушкіна (нар. 14 лютага 1957, Полацк) — беларуская педагог і дэпутатка.

Таццяна Генадзеўна Палушкіна

У Вікіпедыі ёсць артыкулы пра іншых людзей з прозвішчам Палушкіна.

Біяграфія

Нарадзілася 14 лютага 1957 года ў горадзе Полацку Віцебскай вобласці^[1].

Скончыла Віцебскі дзяржаўны педагагічны інстытут імя С. М. Кірава^[1].

Працоўную дзейнасць пачала настаўніцай сярэдняй школы № 7 г. Полацка; працавала выкладчыцай, намесніцай дырэктара па вучэбна-вытворчай рабоце Полацкага педагагічнага вучылішча імя Ф. Скарыны; дырэктаркай гэтага вучылішча (каледжа)^[1].

Дырэктарка Полацкага каледжа Віцебскага дзяржаўнага ўніверсітэта імя П. М. Машэрава^[1].

Была членам Савета Рэспублікі Нацыянальнага сходу Беларусі 7-га склікання^[1].

Узнагароды

Удастоена ганаровых званняў «Заслужаны работнік адукацыі Рэспублікі Беларусь», «Чалавек года Віцебшчыны». Узнагароджана медалём «За працоўныя заслугі», ганаровай граматай Нацыянальнага сходу Беларусі, нагруднымі знакамі «Выдатнік адукацыі Рэспублікі Беларусь» і «За заслугі перад Полацкам»^[1].