Таццяна Пятроўна Сцяпанава

У Вікіпедыі ёсць артыкулы пра іншых людзей з прозвішчам Сцяпанава.

Таццяна Пятроўна Сцяпа́нава^[3] (нар. 9 мая 1935) — беларуская цымбалістка і педагог. Заслужаная артыстка Беларускай ССР (1975).

Таццяна Пятроўна Сцяпанава
Дата нараджэння	9 мая 1935(1935-05-09)[1] (90 гадоў)
Месца нараджэння	Менск, Беларуская ССР, СССР[1]
Краіна	СССР  Беларусь
Альма-матар	Дзіцячая музычная школа мастацтваў № 1 імя Л. Александроўскай[d][2] Беларуская дзяржаўная кансерваторыя імя А. В. Луначарскага (1959)[1]
Месца працы	Нацыянальны акадэмічны народны аркестр Рэспублікі Беларусь імя Іосіфа Жыновіча Мінскае музычнае вучылішча
Музычная дзейнасць
Педагог	Іосіф Іосіфавіч Жыновіч
Прафесіі	музыкант, музычны педагог
Інструменты	цымбалы
Узнагароды

Біяграфія

Нарадзілася ў Мінску. Скончыла Дзіцячую музычную школу мастацтваў № 1 імя Л. Александроўскай^[4], у 1959 годзе Беларускую кансерваторыю (клас І. Жыновіча)^[3]. З 1954 годзе артыстка Дзяржаўнага народнага аркестра Беларусі. У 1969—1993 гадах выкладала ў Мінскім музычным вучылішчы імя М. І. Глінкі і адначасова ў 1974—1982 гадах арганізатар і кіраўнік цымбальнага ансамбля^[3].

Творчасць

Аўтар пералажэнняў твораў белаускіх, рускіх і іншых кампазітараў. Сярод іх: канцэртныя фантазіі «Жураўлі на Палессе ляцяць» Ігара Лучанка, «Раманса» Георгія Свірыдава, уверцюра да оперы «Квартал анёлаў» М. Тэадаракіса і інш.

Узнагароды і званні

• Заслужаная артыстка Беларускай ССР (1975)
• Лаўрэат Першага Рэспубліканскага конкурсу артыстаў эстрады^[4]
• Дыпламант V Усесаюзнага конкурсу артыстаў эстрады^[4] (лаўрэат, 1974, Масква^[3])