Томаш Ануфрыевіч Наркевіч-Ёдка

Тамаш Міхал Ануфрыевіч Наркевіч-Ёдка (1810  — пасля 25 жніўня 1872) — дзяржаўны службовец.

Томаш Ануфрыевіч Наркевіч-Ёдка
Ліс
маршалак шляхты Ігуменскага павета 1863 — 1868
Нараджэнне	каля 1810
Смерць	не раней за 25 жніўня 1872
Род	Наркевічы-Ёдкі[d]
Бацька	Ануфрый Наркевіч-Ёдка
Маці	Петранэля з Забелаў[d]
Адукацыя	Віленскі ўніверсітэт

У Вікіпедыі ёсць артыкулы пра іншых людзей з прозвішчам Наркевіч-Ёдка.

Біяграфія

Паходзіў са шляхецкага роду Наркевічаў-Ёдкаў герба «Ліс». Нарадзіўся ў сям’і Ануфрыя Наркевіча-Ёдкі, павятовага маршалка ігуменскага, і Петранэлі з Забелаў. Ахрышчаны 4 красавіка 1810 года ў Грозаўскім касцёле^[1].

Скончыў Віленскі ўніверсітэт, кандыдат абодвух правоў. Службоўца Міністэрства ўнутраных спраў (1832), надворны радца (на 1851)^[1].

Маршалак павятовы ігуменскі ў 1863—1868 гадах. Ганаровы апякун губернскай гімназіі ў г. Мінску^[1].

Жыў у маёнтку Пукава (1851—1866)^[1].

Памёр пасля 25 жніўня 1872 года^[1].

Сям’я

У шлюбе з Тэафілай з Пілецкіх^[1].

Зноскі

1. 15. Ёдкі, Наркевічы-Ёдкі герба «Ліс» // Гербоўнік беларускай шляхты. Т. 6. Е, Ё, Ж / Я. Глінскі [і інш.]; навук. рэд. А. Рахуба. — Мінск : Беларусь, 2020. — С. 75. — 543 с. — ISBN 978-985-01-1345-0.