Трансмісія

Трансмі́сія^[1] (сілавая перадача) — у машынабудаванні сукупнасць зборачных адзінак і механізмаў, якія злучаюць рухавік (матор) з вядучымі коламі транспартнага сродку (аўтамабіля) або рабочым органам станка, а таксама сістэмы, якія забяспечваюць працу трансмісіі. У агульным выпадку трансмісія прызначана для перадачы круцячага моманту ад рухавіка да колаў (працоўнага органу), змены цягавых намаганняў, хуткасцяў і напрамку руху. Трансмісія ўваходзіць у склад сілавога агрэгата.

Сукупнасць агрэгатаў, якія злучаюць матор з рабочым органам станка

У залежнасці ад тыпа галоўнага звяна адрозніваюць трансмісіі механічныя, гідраўлічныя, пнеўматычныя і іншыя^[2]. Часта ў адной машыне выкарыстоўваюць адначасова некалькі тыпаў трансмісій або іх камбінацыю^[2].