Трапафіты

Трапафі́ты^[1] (ад грэч. τροπος — паварот, змяненне і грэч. φυτόν — расліна) — група раслін, якія прыстасаваліся да жыцця ў абласцях з рэгулярнай зменай вільготнага і засушлівага сезонаў. Тэрмін уведзены ў 1898 годзе нямецкім батанікам А. Шымперам^[2].

Расліны-трапафіты падтрымліваюць водна-паветраны баланс галоўным чынам^[2] за кошт велічыні ліставой паверхні (з дапамогай арыентацыі лісця, зменай буйнога лісця на дробнае, скідвання лісця ў неспрыяльных умовах) і сустракаюцца сярод розных жыццёвых форм.