Трыярыі

Трыя́рыі (ад лац. tres тры) — воіны цяжкай пяхоты ў Старажытным Рыме ў 5 — 2 ст. д. н. э.

Рымскія даспехі трыярыяў

Зброя — цяжкое кап’ё, меч. Засцерагальнае ўзбраенне — шлем, нажныя латы, шчыт.

Камплектаваліся дасведчанымі воінамі. Складалі 3-ю лінію баявога пастраення легіёна (адсюль назва), за гастатамі і прынцыпамі.

Уводзіліся ў бой у вырашальны момант дзеля нарошчвання сілы ўдару першых дзвюх ліній або дзеля стрымлівання варожага націску.

Літаратура

• Триарии // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
• Ціт Лівій — «Гісторыя ад заснавання горада»