Тэадорых IV

У Вікіпедыі ёсць артыкулы пра іншых людзей з імем Тэадорых.

Тэадорых IV (фр.: Thierry; 712 — паміж 16 сакавіка і 30 красавіка 737) — кароль франкаў, кіраваў з 721 года. Сын Дагаберта III. Імя Тэадорых перакладаецца з франкскай мовы як «Кароль народа».

Тэадорых IV
лац.: Theudoricus, фр.: Thierry
Партрэт са зборніка біяграфій Promptuarii Iconum Insigniorum (1553)
кароль франкаў 13 лютага 721 — паміж 16 сакавіка і 30 красавіка 737
Папярэднік	Хільперык II
Пераемнік	Хільдэрык III
Нараджэнне	712(0712) невядома
Смерць	паміж 16 сакавіка і 30 красавіка 737 невядома
Месца пахавання	царква абацтвы Сен-Дэні
Род	Меравінгі
Бацька	Дагаберт III
Медыяфайлы на Вікісховішчы

Біяграфія

Пасля смерці яго бацькі Дагаберта III у 715 годзе, ён быў пасаджаны ў абацтва Шэль, а затым у замак Шато-Цьеры.

У лютым 721 года пасля смерці караля Хільперыка II, які не пакінуў спадчынніка, усемагутны маярдом Карл Мартэл абвясціў яго каралём, але ён пазбаўлены быў усякага значэння ў сваім каралеўстве. Тэадорых IV не прыняў удзелу ні ў адной з бітваў за абарону межаў сваёй імперыі. Пасля яго смерці ўвесну 737 года Карл Мартэл на працягу 4 гадоў да сваёй смерці ў кастрычніку 741 года не прызначаў яго пераемніка, і сам кіраваў дзяржавай, не прымаючы, аднак, каралеўскага тытула. На працягу шасці гадоў трон заставаўся вакантным, пакуль сыны Карла Мартэла Карламан і Піпін Кароткі не пасадзілі на яго Хільдэрыка III.

Зноскі