Тэатр імя Станіслаўскага і Неміровіча-Данчанкі

Маскоўскі акадэмічны Музычны тэатр імя К. С. Станіслаўскага і Ул. І. Неміровіча-Данчанкі — тэатр оперы і балета ў Цвярскім раёне Масквы. Вядзе гісторыю са снежня 1918 года як Оперная студыя Вялікага тэатра пад кіраўніцтвам Канстанціна Станіслаўскага. У канчатковым выглядзе сфармаваўся ў 1941 годзе пасля аб’яднання з Музычнай студыяй Маскоўскага Мастацкага тэатра Уладзіміра Неміровіча-Данчанкі.

Тэатр імя Станіслаўскага і Неміровіча-Данчанкі
Заснаваны	1941
Краіна	Расія
Размяшчэнне	Масква
Будынак	Масква
Дырэктар	Антон Аляксандравіч Гецьман[d]
Галоўны дырыжор	Фелікс Паўлавіч Корабаў[d]
Сайт	stanmus.ru (руск.)
Медыяфайлы на Вікісховішчы

Поўнае найменне — Маскоўскі акадэмічны Музычны тэатр імя Народных артыстаў Саюза Савецкіх Сацыялістычных Рэспублік Канстанціна Сяргеевіча Станіслаўскага і Уладзіміра Іванавіча Неміровіча-Данчанкі.

Гісторыя

З 1997 года Маскоўскі музычны тэатр у супрацоўніцтве з Вялікім тэатрам арганізаваў фестываль сучаснага танца «DanceInversion», які стаў штогадовым^[1].

У 2000-я гады будынак тэатра двойчы гарэў. Першы раз узгаранне адбылося ў чэрвені 2003 года: згарэла частка даху прыбудовы, пры гэтым агонь не закрануў сцэну і глядзельную залу. У маі 2005 года тэатр пацярпеў ад больш сур’ёзнага пажару: згарэлі сцэна, памяшканне глядзельнай залы, часткова абрынуліся дах і сцены, спатрэбілася маштабная рэканструкцыя^[2]. Асноўная сцэна была адкрыта да Дня горада ў верасні 2006 года. Акрамя таго, былі абсталяваны рэпетыцыйныя залы балета, склады касцюмаў і дэкарацый, харавой клас, грымёркі для артыстаў і падземная аўтастаянка. Агульная плошча тэатра склала каля 40 тысяч м², што амаль утрая больш, чым да рэканструкцыі^[3].