Тэнгіз Шукрыевіч Думбадзэ

У Вікіпедыі ёсць артыкулы пра іншых людзей з прозвішчам Думбадзэ.

Тэнгіз Шукрыевіч Думбадзэ (нар. 7 ліпеня 1964, п. Энергетыкаў Дзяржынскага раёна Мінскай вобласці) — беларускі і грузінскі тэлежурналіст, дэпутат Палаты прадстаўнікоў Нацыянальнага сходу Рэспублікі Беларусь 7-га склікання.

Тэнгіз Шукрыевіч Думбадзэ
груз. თენგიზ შუქრის ძე დუმბაძე
Нараджэнне	7 ліпеня 1964(1964-07-07) (61 год) Энергетыкаў, Негарэльскі сельсавет, Дзяржынскі раён, Мінская вобласць, Беларуская ССР, СССР
Адукацыя	гістарычны факультэт БДУ
Дзейнасць	тэлевядучы[d] і палітык
Узнагароды	Ганаровая грамата Савета Міністраў Рэспублікі Беларусь Ганаровая грамата Міністэрства адукацыі Рэспублікі Беларусь

Біяграфія

Скончыў гістарычны факультэт Беларускага дзяржаўнага ўніверсітэта.

Працаваў настаўнікам гісторыі ў Негарэльскай сярэдняй школе, рэдактарам часопіса «Марак Грузіі» ў Аджарскім упраўленні рыбалоўнага флоту. Быў адным з заснавальнікаў Дзяржтэлерадыёдэпартамента Аджарыі (Грузія). Прайшоў шлях ад карэспандэнта да галоўнага рэдактара. Узначальваў тэлеканал Аджарыі, на якім быў аўтарам і вядучым шматлікіх тэлепраграм.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь 7-га склікання.

Узнагароды

Неаднаразова прызнаваўся найлепшым рэпарцёрам, вядучым і аўтарам у намінацыі «Найлепшая грамадска-палітычная праграма» Нацыянальнага тэлевізійнага конкурсу «Тэлевяршыня»^[1].

Зноскі

1. Думбадзе Тэнгіз Шукрыевіч