Тэхналогія (выдавецтва)

Навукова-вытворчая кампанія «Тэхналогія» — недзяржаўная арганізацыя, якая накіроўвае сваю дзейнасць на стварэнне ў Беларусі рыначных адносін і грамадзянскай супольнасці. Выдавецтва заснавалі ў 1988 годзе. Выпускае пераважна даведнікі і навуковыя выданні^[1].

Тэхналогія
Тып	выдавецтва
Заснаванне	1988
Краіна	Беларусь
Размяшчэнне	Мінск, вул. Ляўкова, д. 17
Адрас	Мінск
Ключавыя постаці	Вацлаў Багдановіч, Дзмітрый Санько
Прадукцыя	Кнігі, медыцынскае абсталяванне
Сайт	www.tn.by

Асноўныя кірункі дзейнасці — сувенірная прадукцыя, кнігавыдавецкая (выданне навуковай, навукова-папулярнай, даведкавай, навучальнай, вытворча-практычнай, мастацкай і рэкламнай літаратуры на мовах свету) і паліграфічная (выпуск кніг, брашур, бланкаў, візітак, буклетаў, праспектаў, грамат), продаж вырабаў медыцынскага прызначэння і медыцынскай тэхнікі, аптовы гандаль^[2].

Фірменны знак «Тэхналогіі» створаны на аснове старадаўняй гравюры «Крылаты цмок» (з трактату беларускага вучонага XVII стагоддзя Казіміра Семяновіча, вядомага сваімі вынаходкамі ў галіне ракетнай тэхнікі, артылерыі, піратэхнікі, адна з якіх — канструкцыя шматступеннай ракеты.

Зноскі

1. Уладзя Тацянчык. Кнігі, якіх чакаюць чытачы (нявызн.). Культура. Звязда, № 288, 24972 (16 мая 2012).
2. Тэхналогія(недаступная спасылка) Камунікат