Ужо птушкі пяюць ўсюды…

«Ужо пту́шкі пяю́ць ўсю́ды…» — лірычны верш Часлава Янкоўскага^[1], які раней традыцыйна прыпісваўся Уладзіславу Сыракомлю.

Ужо птушкі пяюць ўсюды…
Жанр	Верш
Аўтар	Чэслаў Янкоўскі
Мова арыгінала	беларуская
Дата напісання	1900
Дата першай публікацыі	1912
Апублікаваны ў	Kurier Litewski
Тэкст твора ў Вікікрыніцах

Паводле Антона Брыля, твор напісаны прыблізна ў 1900 годзе^[1].

Аўтарства

Упершыню твор быў апублікаваны 12 верасня 1912 г. у польскамоўнай газеце «Kurier Litewski» (№ 201)^[1] пад загалоўкам «Беларускі верш» і з подпісам «Вільня, 1861»^[2]. Аўтар быў пазначаны Сыракомля. Але ўжо ў № 204 19 верасня была апублікаваная зацемка ў якой Янкоўскі напісаў пра памылку публікатара Уладзіслава Каратынскага^[1].

У 1921 г. Часлаў Янкоўскі апублікаваў артыкул «У справе беларускай літаратуры» (польск.: Na marginesie literatury białoruskiej; «Gazeta Krajowa», № 24), дзе зноў заявіў, што Уладзіслаў Каратынскі прыпісаў ягоны беларускамоўны верш Сыракомлю^[3].

Даследчык Уладзімір Мархель, няведаючы пра публікацыю Янкоўскага ў «Kurier Litewski», быў перакананы ў аўтарстве Уладзіслава Сыракомлі^[4], бо паэзія Янкоўскага нясе збольшага прыватны характар, а вобраз вясны выкарыстоўваўся ім выключна для перадачы асабістых пачуццяў. Да таго ж у ў ягонай лірыцы няма зліцця аўтарскага «я» з абагуленым «мы»^[5]. На карысць аўтарства Сыракомлі навуковец таксама заўважаў сугучнасць з іншымі вершамі песняра («Араты — да жаваранка», «Варыянт з народнай песні», «Голас бедных»)^[6].

Зноскі

1. Брыль, А. Ф. «Ужо птушкі пяюць ўсюды…»: Чэслаў Янкоўскі (бел.) // Роднае слова. — 2019. — № 1. — С. 7.
2. Мархель, У. І. Лірнік вясковы (бел.). — 1983. — С. 111.
3. Мархель, У. І. Лірнік вясковы (бел.). — 1983. — С. 112.
4. Мархель, У. І. Лірнік вясковы (бел.). — 1983. — С. 116.
5. Мархель, У. І. Лірнік вясковы (бел.). — 1983. — С. 114.
6. Мархель, У. І. Лірнік вясковы (бел.). — 1983. — С. 115.