Узброеныя сілы Эстоніі

Узброеныя сілы Эстоніі (эст.: Eesti Kaitsevägi) — ваенная структура выканаўчай дзяржаўнай улады Эстоніі, якая падпарадкоўваецца Ураду Эстоніі і кіруецца Міністэрствам абароны. Разам з Саюзам абароны Эстоніі Армія ўваходзіць у склад Сіл абароны Эстоніі. Армія абароны Эстоніі пабудаваная паводле прынцыпу агульнай абароны з мэтай захавання суверэнітэту, абароны тэрыторыі краіны, тэрытарыяльных вод і паветранай прасторы, канстытуцыйнага парадку і грамадскай бяспекі.

Узброеныя сілы Эстоніі Eesti Kaitsevägi
эст.: Kaitsevägi
Сцяг Узброеных сіл Эстоніі
Гады існавання	1918—1940 з 1991 года
Краіна	Эстонія
Падпарадкаванне	Міністэрства абароны Эстоніі
Уваходзіць у	Сілы абароны Эстоніі
Тып	Узброеныя сілы
Складаецца з	Estonian Land Forces[d] Estonian Navy[d] Estonian Air Force[d]
Колькасць	На службе: 6 400[1] У рэзерве: 60 000[2]
Удзел у	Вайна за незалежнасць Эстоніі 1918—1919 Вайна ў Афганістане Вайна ў Іраку Канфлікт у ЦАР
Камандзіры
Дзеючы камандзір	Брыгадны генерал Рыха Тэрас[3]
Вядомыя камандзіры	Генерал-лейтэнант Ёхан Лайданер
Сайт	mil.ee

Дзейнасць

Дзейнасць Арміі абароны Эстоніі ажыццяўляецца на прынцыпах грамадскага кантролю і адпавядае прынцыпам дэмакратычнай арганізацыі дзяржавы. Дэмакратычна абраныя і прызначаныя выканаўчыя органы прымаюць рашэнні што да выкарыстання Арміі абароны і вызначаюць адпаведныя мэты, выдзяляюць неабходныя рэсурсы і кантралююць стан выканання пастаўленых задач. Ажыццяўленне прынцыпаў грамадскага кантролю гарантуецца заканадаўствам і ўскладзенае на парламент, прэзідэнта Рэспублікі і ўрад. У ваенны час Вярхоўным галоўнакамандуючым з'яўляецца Прэзідэнт рэспублікі, а кіроўным органам — Нацыянальны савет абароны, у які ўваходзяць старшыня парламента, прэм'ер-міністр, камандуючы Арміі абароны, міністр абароны, міністр унутраных спраў і міністр замежных спраў.

Склад

Сухапутныя войскі

У складзе сухапутных сіл ёсць тры пяхотных батальёна. Два батальёна знаходзяцца ў падпарадкаванні паўночна-ўсходняга ваеннай акругі і дыслакуюцца паблізу дзяржаўнай мяжы з Расіяй. Акрамя інснуе гвардзейскі батальён, які выконвае рэпрэзентатыўныя і пратакольныя функцыі. Галоўная задача гэтага батальёна у ваенны час — абарона сталіцы краіны^[4]. Агульнымі задачамі для СВ з’яўляецца забеспячэнне пастаяннай боегатоўнасці на сушы, арганізацыя абароны жыццёва важных стратэгічных аб’ектаў, удзел у міжнародных місіях па падтрыманні міру.

Ваенна-паветраныя сілы

Арганізацыйна ВПС Эстоніі складаюцца з:

• Штаб ВПС^[5]
• Авіябаза^[6]
• Дывізіён паветранага назірання^[7]

Колькасны склад на 2016 год: 250 чалавек. Налёт: 120 гадзін/год^[8]. Ваенныя базы знаходзяцца ў Таліне і Эмары.

Ваенна-марскія сілы

Эстонскія ВМС нясуць адказнасць за ўсе марскія аперацыі ў тэрытарыяльных водах Эстоніі. Асноўнымі функцыямі ваенна-марскіх сіл з’яўляюцца падрыхтоўка і арганізацыя абароны тэрытарыяльных вод і берагавой лініі, забеспячэнне бяспекі марскога суднаходства, сувязі і марскіх перавозак у тэрытарыяльных водах і супрацоўніцтва, сумесна з ВМС НАТА і іншымі саюзнымі краінамі. У выпадку ўзнікнення крызіснай сітуацыі, флот павінен быць гатовы абараняць мора, партовыя раёны, марскія лініі сувязі і супрацоўнічаць з падраздзяленнямі кааліцыі. ВМС ўключае ў сябе патрульныя караблі, мінныя тральшчыкі, дапаможныя караблі і падраздзяленні берагавой аховы, неабходнай, каб пераканацца ў бяспецы марскіх паведамленняў. Цяперашняя структура ўключае ў сябе дывізіён мінных караблёў, які таксама ўключае ў сябе групу вадалазаў. Акрамя таго, існуюць ваенна-марская школа, ваенна-марская база і штаб, які знаходзіцца ў Таліне.^[9].

Саюз абароны

Саюз абароны (Кайтселійт) з’яўляецца добраахвотнай ваеннай арганізацыяй, якая падпарадкоўваецца Міністэрству абароны. Асноўнай мэтай Саюза абароны з’яўляецца абарона незалежнасці і канстытуцыйнага парадку, у тым ліку ў выпадку ваеннай пагрозы, на аснове свабоднага волевыяўлення грамадзян.

«Саюз абароны» складаецца з 15 тэрытарыяльных падраздзяленняў, зоны адказнасці якіх у асноўным супадаюць з межамі акругаў Эстоніі. «Саюз абароны» налічвае больш за 13 000 членаў, а разам з афіляванымі арганізацыямі — больш чым 21 000 актывістаў. «Саюз абароны» прымае ўдзел у вучэннях эстонскай арміі, акрамя таго, яго актывісты ўдзельнічаюць у забеспячэнні грамадскага парадку ў якасці добраахвотных памочнікаў паліцэйскіх, прымаюць удзел у тушэнні лясных пажараў і выконваюць некаторыя іншыя грамадскія функцыі.

«Саюз абароны» і звязаныя з ім арганізацыі падтрымліваюць адносіны з арганізацыямі-партнёрамі ў краінах Паўночнай Еўропы, ЗША і Вялікабрытаніі. Актывісты «Саюзу» прымаюць удзел у «міжнародных аперацыях па падтрыманні міру»^[10].

Берагавая ахова

Эстонская берагавая ахова адказная за ахову марской мяжы краіны.

Зноскі

1. IISS. The Military Balance 2017, page 106–108
2. Riigikaitse arengukava (эст.)(недаступная спасылка). www.mil.ee (24 красавіка 2017). Архівавана з першакрыніцы 10 лютага 2020. Праверана 18 July 2018.
3. В Эстонии сменили командующего Силами обороны // "Lenta.RU" от 13 октября 2011
4. Вооруженные силы Эстонии на сайте газеты «Во славу Родины» Архівавана 31 сакавіка 2019.
5. Õhuväe Staap
6. Lennubaas
7. Õhuseiredivisjon
8. The Military Balance 2016,p.91
9. Военно-морские силы Эстонии
10. Estonian Defence League