Украінафобія

Украінафобія — разнавіднасць ксенафобіі, агрэсіўнае непрыняцце існавання Украіны, яе суверэнітэту і ўкраінскай нацыі, форма ірацыянальнай і злоснай варожасці да Украіны як дзяржавы, да ўкраінцаў як народа, а таксама да іх культуры, мовы і гісторыі, традыцый і менталітэту, нянавісць да ўсяго ўкраінскага, варожае стаўленне да ўкраінскасці і ўсіх праяваў украінскай нацыянальна-культурнай самабытнасці, адмаўленне існавання ўкраінскай нацыі.

Паняцце

У заканадаўстве Украіны паняцце украінафобія вызначаецца наступным чынам^[1]:

Украінафобія — дыскрымінацыйныя дзеянні, публічна выказаныя заклікі, у тым ліку ў сродках масавай інфармацыі, у літаратурных і мастацкіх творах, якія адмаўляюць суб’ектнасць украінскай дзяржавы, украінскай нацыі, барацьбу супраць падняволення, эксплуатацыі, асіміляцыі ўкраінскага народа, а таксама правамернасць абароны палітычных, эканамічных, культурных правоў украінскага народа, развіцця ўкраінскай нацыянальнай дзяржаўнасці, навукі, культуры, пагарджаюць спецыфікай этнакультурных асаблівасцяў украінцаў, ігнаруюць украінскую мову і культуру.