Украінская вышыўка

Украінская вышыўка — адзін з відаў народнага дэкаратыўнага мастацтва ўкраінскага народа ў выглядзе арнаментальнай ці сюжэтнай выявы на тканіне ці скуры. Вышыўка вырабляецца ўручную або з дапамогай швейных машын на прадметах адзення, галоўным чынам на жаночых і мужчынскіх кашулях (вышыванках), а таксама на прадметах хатняга ўжытку — абрусах, навалачках, ручніках і да т.п.

Апроч упрыгожвання адзення і інтэр’ерных абрадавых тканін, вышыўка нясе акультны характар. Яна з’яўляецца зачуром ад маланкі, бяздзетнасці, неўраджайнасці, няшчасця і да т.п.^[1][2].

Вышыўка на адзенні размяшчаецца на вызначаных месцах — у нізах рукавоў, на гарлавіне ці каўнеры, падоле ці падолах адзення — там, дзе няма доступу да цела^[1]. Колер і фігура гафту таксама маюць сваё значэнне.

• 
  Украінскі ручнік (укр.: рушник). Музей ручнікоў, Пераяслаў
• 
  Марыя-Аранта з арнаментаванай хусткай за поясам. Сафійскі сабор
• 
  Вышытыя пісанкі. Праца народнай майстрыхі Луганшчыны Іны Фарасцюк

Зноскі

1. Обереговая вышивка (руск.). Праверана 20 кастрычніка 2013.
2. Украинские вышиванки. (руск.)(недаступная спасылка). Pugoffka.com.ua. Архівавана з першакрыніцы 2 чэрвеня 2014. Праверана 2 чэрвеня 2014.