Уладзімір Анатольевіч Зубкоў

Уладзімір Анатольевіч Зубкоў (30 красавіка 1948 Новасібірск, СССР) — беларускі барэц грэка-рымскага стылю, трэнер, чатырохкратны чэмпіён свету (1971, 1973, 1974, 1975), прызёр чэмпіянатаў свету і Еўропы. Заслужаны майстар спорту СССР (1971).

Уладзімір Анатольевіч Зубкоў
Агульная інфармацыя
Пол	мужчынскі пол
Спецыялізацыя	грэка-рымская барацьба
Клуб	Burevestnik[d]
Нарадзіўся	30 красавіка 1948(1948-04-30) (77 гадоў) Новасібірск, Новасібірская вобласць, РСФСР, СССР
Грамадзянства	СССР
Альма-матар	БДУФК
Трэнер	Garry Vasilievich Nikolayonok[d]
Рост	150 см
Медыяфайлы на Вікісховішчы

Спартыўныя ўзнагароды
Чэмпіянаты свету
Срэбра	Эдмантан 1970	да 48 кг
Золата	Сафія 1971	да 48 кг
Золата	Тэгеран 1973	да 48 кг
Золата	Катавіцы 1974	да 48 кг
Золата	Мінск 1975	да 48 кг
Чэмпіянаты Еўропы
Бронза	Катавіцы-1972	да 48 кг
Дзяржаўныя і ведамасныя ўзнагароды Заслужаны майстар спорту СССР

У Вікіпедыі ёсць артыкулы пра іншых людзей з прозвішчам Зубкоў.

Біяграфія

Уладзімір Зубкоў пачаў займацца спортам у родным горадзе Новасібірску. Першы трэнер — Віктар Кузняцоў. Рост 150 см. Выступаў у найлягчэйшай вазе.

На міжнародных спаборніцтвах Зубкоў адразу выявіў сябе як выдатны барэц. На чэмпіянаце свету па барацьбе 1970 года, у Эдмантане, дэбютант Уладзімір Зубкоў дабраўся да фіналу, дзе саступіў вопытнаму Георгэ Берчану, з Румыніі, які стаў двухразовым чэмпіёнам. Пасля гэтага Зубкоў выйграў чатыры запар чэмпіянату свету: 1971, 1973, 1974 і 1975 гадоў (у 1972 годзе чэмпіянат не праводзіўся з-за алімпіяды).

Скончыў у 1974 годзе Беларускі інстытут фізічнай культуры.

Сімвалічна, што на апошнім чэмпіянаце свету 1975 года ў Мінску, ён узяў рэванш у таго ж Георгэ Берчану, стаўшы чатырохкратным чэмпіёнам свету.

У 1977 годзе Уладзімір Зубкоў завяршыў спартыўную кар’еру. З 1978 года трэнер. З 1981 года ў Рэспубліканскай комплекснай школе вышэйшага спартыўнага майстэрства.

Працаваў са зборнай Беларусі. У наш час — трэніруе зборную Аўстрыі па барацьбе ^[1].

Зноскі

1. Трэнерскі штаб зборнай Аўстрыі Архівавана 16 чэрвеня 2010.