Уладзімір Антонавіч Собалеў

У Вікіпедыі ёсць артыкулы пра іншых людзей з прозвішчам Собалеў.

Уладзімір Антонавіч Собалеў (30 студзеня 1939, Днепрапятроўск, УССР) — савецкі ваенны, генерал-маёр, начальнік Вышэйшых курсаў КДБ СССР у Мінску з 1988 па 1992 гады.

Уладзімір Антонавіч Собалеў
Дата нараджэння	30 студзеня 1939(1939-01-30) (86 гадоў)
Месца нараджэння	Днепрапятроўск, Днепрапятроўская вобласць, УССР, СССР
Альма-матар	Акадэмія Федэральнай службы бяспекі Расіі[d]
Месца працы	Камітэт дзяржаўнай бяспекі СССР Інстытут нацыянальнай бяспекі Рэспублікі Беларусь Міністэрства бяспекі Расійскай Фэдэрацыі[d] ФСБ Расіі
Званне	Генерал-маёр
Узнагароды і званні

Біяграфія

У 1959 годзе скончыў Дзяржынскі хімічны тэхнікум імя Чырвонай Арміі, працаваў электрыкам на заводзе Мінавіяпрама.

З 1959 па 1962 гады служыў у Савецкай арміі.

З 1962 года знаходзіцца ў органах дзяржбяспекі. У 1966 годзе скончыў Вышэйшую школу КДБ СССР з залатым медалём і быў накіраваны на працу ў вайсковую контрвыведку. З 1970 года працаваў у Вышэйшай школе КДБ СССР — выкладчыкам спецкафедры № 9, выкладчыкам, старшым выкладчыкам спецкафедры № 11.

З 1980 па 1985 гады працаваў у сакратарыяце КДБ СССР намеснікам начальніка аддзела, затым начальнікам аддзела. У 1985—1988 гадах працаваў начальнікам аддзела Кіравання кадраў КДБ СССР. З 1988 па 1992 гады начальнік Вышэйшых курсаў КДБ у Мінску.

Пасля распаду СССР працягнуў службу ў органах МБ — ФСБ Расіі. З 1999 года — на пенсіі.

Узнагароды

• Ордэн Чырвонай Зоркі
• Нагрудны знак Ганаровы супрацоўнік дзяржбяспекі

Літаратура

• И. З. Юркин [и др.] Генералы органов государственной безопасности: крат. биогр. справ. (1918-2008). — Мн.: Геопринт, 2008.