Уладзімір Мікалаевіч Рашэтнікаў

Уладзімір Мікалаевіч Рашэтнікаў (нар.6 студзеня 1938, в. Халопенічы, Глускі раён, Магілёўская вобласць) — беларускі біёлаг. Акадэмік Нацыянальнай акадэміі навук Беларусі (2000; член-карэспандэнт з 1991), доктар біялагічных навук (1987), прафесар (1992).

Уладзімір Мікалаевіч Рашэтнікаў
Дата нараджэння	6 студзеня 1938(1938-01-06) (87 гадоў)
Месца нараджэння	Халопенічы, Каткаўскі сельсавет, Глускі раён, Беларусь
Род дзейнасці	біёлаг
Месца працы	Беларускі навукова-даследчы інстытут пладаводства, агародніцтва і бульбы Інстытут эксперыментальнай батанікі імя В. Ф. Купрэвіча НАН Беларусі Цэнтральны батанічны сад Нацыянальнай акадэміі навук Беларусі
Навуковая ступень	доктар біялагічных навук
Навуковае званне	акадэмік НАН Беларусі
Альма-матар	Маскоўская сельскагаспадарчая акадэмія імя К. А. Ціміразева (1959)
Член у	Беларускае батанічнае таварыства Рэспубліканская тэрміналагiчная камiсiя пры НАН Беларусi
Узнагароды

У Вікіпедыі ёсць артыкулы пра іншых людзей з прозвішчам Рашэтнікаў.

Біяграфія

Закончыў Маскоўскую сельскагаспадарчую акадэмію імя К. А. Ціміразева (1959). У 1960—1962 гг. малодшы навуковы супрацоўнік БелНДІ пладаводства, агародніцтва і бульбаводства Міністэрства сельскай гаспадаркі БССР. З 1966 г. малодшы, старшы навуковы супрацоўнік, у 1977—1978 гг. вучоны сакратар Інстытута эксперыментальнай батанікі АН БССР. З 1978 г. намеснік дырэктара па навковай рабоце гэтага інстытута, адначасова з 1985 г. загадчык лабараторыі. У 1997—2009 гг. дырэктар Цэнтральнага батанічнага саду Нацыянальнай акадэміі навук Беларусі.

Член Беларускага батанічнага таварыства^[1]. Член Рэспубліканскай тэрміналагічнай камісіі пры НАН Беларусі^[2].

Навуковая дзейнасць

Навуковыя працы ў галіне біяхіміі і фізіялогіі раслін. Правёў даследаванні ў галіне саставу, структуры і функцыянальнай актыўнасці ўнутрыклетачных арганел, біясінтэтычных сістэм расліннай клеткі. Вызначыў спецыфічнасць пластыд пры поліплаідызацыі клетачнага ядра, прапанаваў гіпотэзу фізіёлага-біяхімічнага ўзаемадзеяння ядзер і пластыд пры дыферэнцыяцыі тканкі і ў антагенезе расліны. Паказаў віда- і сортаспецыфічнасць бялкоў бульбы і асобных ферментных сістэм трыцікале. Правёў біяхімічнае вывучэнне трансгенных раслін. Унёс уклад у вывучэнне і вызначэнне шляхоў выкарыстання запасных і біялагічна актыўных рэчываў раслін у харчовай прамысловасці, укараненне распрацаваных тэхналогій у вытворчасць.

Аўтар больш за 400 навуковых прац, у т.л. 11 манаграфій, 2 аўтарскіх пасведчанні, 12 патэнтаў.

Навуковыя працы

• Пластиды и клеточные ядра высших растений (биохимические аспекты). Мн.: Наука и техника, 1982.
• Клеточные ядра высших растений: состав, структура, функции. Мн.: Наука и техника, 1992.
• Characterization of the Nuclear Matrix in Inactive and Actively Functioning Cells of Winter Rye // Soviet Plant Physiology. 1993. Vol.40, № 1.
• Последствия радиоактивного загрязнения почв аварийными выбросами ЧАЭС для сельскохозяйственных растений // One Decade after Chernobyl: Summing up the Consequences of the Accident. Austria Center. Vienna, 1996.

Узнагароды і званні

• Ганаровае званне «Заслужаны дзеяч навукі Рэспублікі Беларусь» (2008).
• Ордэн Пашаны (27 лютага 2020)^[3].

Зноскі

1. Старонка Таварыства
2. Рэспубліканская тэрміналагiчная камiсiя пры НАН Беларусi | Інстытут мовазнаўства імя Якуба Коласа (нявызн.). www.iml.basnet.by. Праверана 22 сакавіка 2025.
3. Указ Прэзідэнта Рэспублікі Беларусь ад 27 лютага 2020 г. № 82 «Аб узнагароджанні»