Уладзімір Міхайлавіч Верамейчык

Уладзімір Міхайлавіч Верамейчык (нар. 1 лістапада 1937 г., вёска Петрыцкае, Брагінскі раён, Гомельская вобласць — 26 снежня 1999 г., вёска Ведрыч, Рэчыцкі раён, Гомельская вобласць) — беларускі паэт, пісьменнік і публіцыст.

Уладзімір Міхайлавіч Верамейчык
Асабістыя звесткі
Дата нараджэння	1 лістапада 1937(1937-11-01)
Месца нараджэння	Петрыцкае, Малейкаўскі сельсавет, Брагінскі раён, Беларуская ССР, СССР
Дата смерці	26 снежня 1999(1999-12-26) (62 гады)
Месца смерці	Ведрыч, Беларусь
Пахаванне	Ведрыч
Альма-матар	Рэчыцкае педагагічнае вучылішча (1955) філалагічны факультэт БДУ (1964)
Прафесійная дзейнасць
Род дзейнасці	публіцыст, паэт
Грамадская дзейнасць
Член у	Саюз беларускіх пісьменнікаў
Узнагароды

У Вікіпедыі ёсць артыкулы пра іншых людзей з прозвішчам Верамейчык.

Біяграфія

Нарадзіўся ў сям'і настаўнікаў. У 1955 г. скончыў Рэчыцкае педагагічнае вучылішча. Пасля выпуску год працаваў старшым піянерважатым і настаўнікам спеваў і малявання ў Міхалкаўскай сярэдняй школы Мазырскага раёна. Служыў у Савецкай Арміі (1956—1959). Пасля дэмабілізацыі паступіў на філалагічны факультэт Беларускага дзяржаўнага ўніверсітэта (скончыў у 1964 годзе). Працаваў завучам, дырэктарам Ведрыцкай васьмігадовай школы (у 1966 г. рэарганізавана ў сярэднюю школу) Рэчыцкага раёна. Член Саюза Пісьменнікаў БССР з 1976 г.

Памёр 26 снежня 1999 года^[1]. Пахаваны на могілках в. Ведрыч Рэчыцкага раёна^[2].

Творчасць

Першы верш надрукаваў у 1955 г. у рэчыцкай раённай газеце «Зара камуны». Аўтар зборнікаў вершаў «Прыпяць» (1973), «Яснасць» (1978), «Люблю!» (1981), «Клянуся Прыпяццю» (1988), «Ліхаўня» (1997), кніг публіцыстыкі «Гарызонты сельскіх педагогаў: Запіскі дырэктара школы» (1984) і «Жыву школай» (1991). Таксама выдаў зборнік баек і сатырычных вершаў «Магарыч» (1994) і кніжкі гумарэсак «Карчы Гіменея» (1991) і «Местачковы секс» (1994).

Узнагароды

Узнагароджаны ордэнам Працоўнага Чырвонага Сцяга і медалём^[3].

Зноскі

1. 1. УЛАДЗІМІР ВЕРАМЕЙЧЫК (01.11.1937-26.12.1999) Архівавана 9 лютага 2021.
2. Брэская — Гарэцкі – Белліт  (бел.) (14 ліпеня 2023). Праверана 26 ліпеня 2024.
3. http://slounik.org/80886.html