Уладзімір Міхайлавіч Рудзянкоў

У Вікіпедыі ёсць артыкулы пра іншых людзей з прозвішчам Рудзянкоў.

Уладзімір Міхайлавіч Рудзянкоў (нар. 26 ліпеня 1939, г. п. Васілевічы, Рэчыцкі раён, Гомельская вобласць) — беларускі эканаміст, дыпламат. Доктар тэхнічных навук (1989), кандыдат эканамічных навук (1972), прафесар (1991).

Уладзімір Міхайлавіч Рудзянкоў
Дата нараджэння	26 ліпеня 1939(1939-07-26) (86 гадоў)
Месца нараджэння	Васілевічы, Васілевіцкі раён, Палеская вобласць, Беларуская ССР, СССР
Грамадзянства	Беларусь
Месца працы	Пасольства Рэспублікі Беларусь у Расійскай Федэрацыі БДУ Беларускі дзяржаўны эканамічны ўніверсітэт
Навуковая ступень	доктар тэхнічных навук і кандыдат эканамічных навук
Навуковае званне	прафесар
Альма-матар	БНТУ

Біяграфія

Скончыў Беларускі політэхнічны інстытут (спецыяльнасць «Аўтамабільны транспарт», 1962).

Працаваў на аўтакалоне № 2411-С (г. Мінск, з 1962), у Беларускай дзяржаўнай політэхнічнай акадэміі (1966—1995, прафесар кафедры «Эканоміка і кіраванне навуковымі даследаваннямі, праектаваннем і вытворчасцю»), Міністэрстве знешніх эканамічных сувязей Рэспублікі Беларусь (1995—1998, начальнік упраўлення эканомікі знешняга гандлю), Пасольстве Рэспублікі Беларусь у Расійскай Федэрацыі (аддзяленне у г. Санкт-Пецярбургу, 1998—2001, кіраўнік), Беларускім дзяржаўным універсітэце (2001—2005, загадчык кафедры міжнародных эканамічных зносін), Беларускім дзяржаўным эканамічным універсітэце (з 2005, прафесар кафедры арганізацыі і кіравання).

Навуковыя інтарэсы: эксплуатацыя і аднаўленне ўзбраення і ваеннай тэхнікі; эканоміка прамысловасці і транспарту; знешнеэканамічная дзейнасць; эканамічная і інтэлектуальная бяспека; інавацыйнае прадпрымальніцтва.

Бібліяграфія

• Исследование путей повышения эффективности авторемонтного производства (на примере Белорусской ССР) : автореферат диссертации … кандидата экономических наук : 08.594 / В. М. Руденков. ― Минск, 1971.

Зноскі