Уладзімір Сямёнавіч Васільеў

Уладзімір Сямёнавіч Васільеў (12 кастрычніка 1936, г. Віцебск — 13 мая 2017) — беларускі ўрач-інфекцыяніст. Доктар медыцынскіх навук (1983), прафесар (1983).

Уладзімір Сямёнавіч Васільеў
Дата нараджэння	12 кастрычніка 1936(1936-10-12)
Месца нараджэння	Віцебск, Беларуская ССР, СССР
Дата смерці	13 мая 2017(2017-05-13) (80 гадоў)
Месца працы	ГрДМУ
Навуковая ступень	доктар медыцынскіх навук
Навуковае званне	прафесар
Альма-матар	Віцебскі дзяржаўны медыцынскі ўніверсітэт
Узнагароды

У Вікіпедыі ёсць артыкулы пра іншых людзей з прозвішчам Васільеў.

У Вікіпедыі ёсць артыкулы пра іншых людзей з прозвішчам Уладзімір Васільеў.

Біяграфія

Скончыў Віцебскі дзяржаўны медыцынскі інстытут (спецыяльнасць «Лячэбная справа», 1960).

Працаваў у Юрацішкаўскам медыцынскам вучылішчы (1960—1963), Гродзенскім дзяржаўным медыцынскім універсітэце (з 1963, педыятрычны факультэт, кафедра інфекцыйных хвароб, прафесар, у 1977—1996 — загадчык кафедры, у 1980—1987 — прарэктар па навуковай рабоце, 1987—1992 — па вучэбнай рабоце, 1992—1998 — першы прарэктар).

Навуковыя інтарэсы: імунапатагенез; цытахімія імунных клетак; лячэнне інфекцыйных хвароб; арганізацыя інфекцыйнай службы.

Узнагароды

Ордэн Працоўнага Чырвонага Сцяга (1986), медалі «За доблесную працу» (1970), «Ветэран працы» (1989), знак «Отличнику здравоохранения» і інш.

Зноскі