Уладзімір Сяргеевіч Фацееў

Уладзімір Сяргеевіч Фацееў (нар. 5 ліпеня 1955(1955-07-05), Мінск) — беларускі эканаміст. Доктар эканамічных навук (1996), прафесар (2007).

Уладзімір Сяргеевіч Фацееў
Дата нараджэння	5 ліпеня 1955(1955-07-05) (70 гадоў)
Месца нараджэння	Мінск, Беларуская ССР, СССР
Грамадзянства	СССР  Беларусь
Род дзейнасці	навуковец, выкладчык універсітэта
Навуковая сфера	эканоміка
Месца працы	Беларускі дзяржаўны эканамічны ўніверсітэт Інстытут эканомікі НАН Беларусі Еўрапейскі гуманітарны ўніверсітэт Гродзенскі дзяржаўны ўніверсітэт імя Янкі Купалы
Навуковая ступень	доктар эканамічных навук
Навуковае званне	прафесар
Альма-матар	Беларускі дзяржаўны эканамічны ўніверсітэт Інстытут эканомікі НАН Беларусі

Біяграфія

Нарадзіўся 5 ліпеня 1955 года ў Мінску.

Скончыў Беларускі дзяржаўны інстытут народнай гаспадаркі імя В. У. Куйбышава (спецыяльнасць «Планаванне прамысловасці», 1977), Інстытут эканомікі АН БССР (аспірантура, 1984).

Працаваў у Інстытуце эканомікі НАН Беларусi (1972—2002; з 1991 — загадчык аддзела, з 1997 — намеснік дырэктара па навуковай рабоце); Еўрапейскім гуманітарным універсітэце (2002—2004, дэкан факультэта эканомікі); Беларускім дзяржаўным эканамічным універсітэце (2004—2011, кафедра нацыянальнай эканомікі і дзяржаўнага кіравання, загадчык кафедры; і з 2018, прафесар, з 2021 — загадчык кафедры); Гродзенскім дзяржаўным універсітэце імя Я. Купалы (2011—2018, дэкан факультэта эканомікі і кіравання, з 2014 — загадчык кафедры эканомікі і кіравання на прадпрыемстве).

У 1996—2019 гадах стажыраваўся і знаходзіўся з навуковымі і вучэбна-метадычнымі візітамі ў Вялікабрытаніі, Германіі, Іспаніі, Латвіі, Літве, Люксембургу, Нідэрландах, Польшчы, Расіі, Румыніі, Чэхіі і Швецыі^[1].

З’яўляецца аўтарам больш за 180 навуковых і вучэбна-метадычных работ, у тым ліку 4 індывідуальныя і больш за два дзясяткі калектыўных манаграфій^[1].

Навуковыя інтарэсы: рэгіянальнае эканамічнае развіццё і рэгіянальная палітыка ў розных краінах; праблемы забеспячэння ўстойлівага развіцця ў краінах з пераходнай эканомікай; размяшчэнне прадукцыйных сіл; трансгранічнае эканамічнае супрацоўніцтва; дзяржаўнае кіраванне і мясцовае самакіраванне; нацыянальныя і рэгіянальныя рынкі працы; горадабудаўніцтва; гісторыя прасторавай арганізацыі вытворчасці.

Бібліяграфія

• Региональная политика в системе государственного управления социально-экономическим развитием : диссертация … доктора экономических наук : 08.00.05 : защищена 26.05.1995 : утверждена 09.01.1996 / Фатеев Владимир Сергеевич. — Минск, 1995.