Уладзімір Уладзіміравіч Васюк

У Вікіпедыі ёсць артыкулы пра іншых людзей з прозвішчам Васюк.

Уладзімір Уладзіміравіч Васю́к (нар. 2 ліпеня 1947, пас. Леніна, Хойніцкі раён, Гомельская вобласць) — беларускі графік.

Уладзімір Уладзіміравіч Васюк
Дата нараджэння	2 ліпеня 1947(1947-07-02) (78 гадоў)
Месца нараджэння	Леніна, Стралічаўскі сельсавет, Хойніцкі раён, Палеская вобласць, Беларуская ССР, СССР
Грамадзянства	Беларусь
Род дзейнасці	графік
Месца працы	Мінскі дзяржаўны мастацкі каледж імя А. К. Глебава Беларуская дзяржаўная акадэмія мастацтваў
Жанр	плакат, кніжная графіка і станковая графіка
Вучоба	Беларускі дзяржаўны тэатральна-мастацкі інстытут (1978)
Уплыў	Леанід Паўлавіч Дубар, Міхаіл Фёдаравіч Раманюк і Уладзімір Вікенцьевіч Угрыновіч[d]
Член у	Саюз мастакоў БССР

Біяграфія

Нарадзіўся 2 ліпеня 1947 года ў пасёлку Леніна Гомельскай вобласці. Скончыў Мінскае мастацкае вучылішча ў 1972 годзе і Беларускі тэатральна-мастацкі інстытут у 1978 годзе. Вучыўся ў Л. Дубара, У. Угрыновіча, М. Раманюка^[1].

Удзельнічае ў мастацкіх выставах з 1972 года. Выкладаў у 1978—1986 гадах у Мінскім мастацкім вучылішчы, а з 1987 года — у Беларускай акадэміі мастацтваў^[1].

Член Беларускага саюза мастакоў з 1980 года. Жыве ў Мінску^[1].

Творчасць

Працуе ў галіне плаката, станковай графікі (аловак)^[1] і кніжнай графікі^[2]. Сярод асноўных твораў: плакаты «Трагедыя Хатыні не павінна паўтарыцца», «Тураў — 1000 год», серыя плакатаў «Асветнікі» (плакаты «250 год з дня нараджэння М. Пачобута-Адляніцкага», «Е. Полацкая», «М. Гусоўскі» (1980), «С. Полацкі», «Ф. Скарына»)^[1], плакатаў «М. Гусоўскі» (1980), «Песнярам зямлі беларускай» (1982), «Пётр Мсціславец — першы беларускі друкар» (1990), «Сымон Будны» (1992)^[2], а таксама графічныя серыі: «Прывіды маёй маленькай радзімы» (1995), «Нараджэнне лініі», «Здань», «Стоды», «Узнясенне», «Вымярэнне», «Сустрэча», «Восень — прадчуванне вясны»^[1]. Аформіў кнігі «Праваслаўныя святы» і «Праваслаўнае дойлідства Беларусі» (1995)^[2]. Аўтар афішаў да спектакляў і святаў^[2].

Творы захоўваюцца ў Нацыянальным мастацкім музеі Беларусі, Магілёўскім абласным мастацкім музеі імя П. Масленікава і фондах БСМ^[1].

Узнагароды

Узнагароджаны дыпломамі міжнародных, усесаюзных і рэспубліканскіх конкурсаў плаката^[1].